Kazinform ءتىلشىسى «ۇركەر» ۇلتتىق سىيلىعىنا نومينانت بولدى
استانا. KAZINFORM — باسپا، راديو، ينتەرنەت- جۋرناليستيكا سالاسىنداعى «ۇركەر» -2024 ۇلتتىق سىيلىعى نومينانتتارىنىڭ شورت- ءليستى جاريالاندى.
ۇلتتىق بايگە 12 نوميناتسيا بويىنشا وتكىزىلدى. بايقاۋعا بارلىعى 400 ءوتىنىم كەلىپ ءتۇستى. ۇزدىك جۇمىستاردى بەدەلدى جۋرناليستەر مەن مەديا مەنەدجەرلەردەن قۇرالعان قازىلار القاسى انىقتادى.
«ۇركەر» - 2024 ۇلتتىق بايگەسىنىڭ جەڭىمپازدارى 27-قىركۇيەك كۇنى بەلگىلى بولادى. لاۋرەاتتاردى ماراپاتتاۋ ءراسىمى استانا قالاسى «قازمەديا» ورتالىعىندا وتەدى.
جەڭىمپازدارعا «ۇركەر» ەستەلىك مۇسىنشەسى جانە ءبىر ميلليون تەڭگە مولشەرىندەگى اقشالاي سىيلىق تابىستالادى.
باسپا، راديو، ينتەرنەت- جۋرناليستيكا سالاسىنداعى جەتىستىكتەرى ءۇشىن بەرىلەتىن قازاقستاندىق ۇلتتىق «ۇركەر» سىيلىعى تالانتتى جۋرناليستەر مەن شىعارماشىلىق ۇجىمداردى انىقتاۋ، ولاردىڭ كاسىبي جۋرناليستيكانى دامىتۋعا قوسقان ۇلەسىن مويىنداۋ جانە ولاردىڭ شىعارماشىلىعىنا قوعامنىڭ نازارىن اۋدارۋ ماقساتىندا 2017 -جىلى تاعايىندالعان.
ايتا كەتەيىك، «الەۋمەتتىك تاقىرىپتاعى ۇزدىك ماتەريال» نوميناتسياسىندا Kazinform ءتىلشىسى ارايلىم مۇرات ۇمىتكەرلەر قاتارىنا ىلىككەن.