Kazinform اگەنتتىگى جاڭا «مالىمەت» جوباسىن ىسكە قوستى

استانا. KAZINFORM - «مالىمەت» - قازاقستاننىڭ مەديانارىعىندا العاش رەت ۇسىنىلعان جاڭا ايدار، وندا ساياسات، ەكونوميكا، بيزنەس، عىلىم، مادەنيەت سەكىلدى ءتۇرلى سالادا ەل دامۋىنا ەلەۋلى ۇلەس قوسقان تانىمال قازاقستاندىقتاردىڭ ءومىربايانى مەن قىزىقتى مالىمەتتەرى جاريالانادى.

«مالىمەتتە» كەيىپكەرلەردىڭ ءومىرى مەن مانسابىنداعى ماڭىزدى ساتتەرى مەن جەتىستىكتەرى، سونداي-اق فوتوسۋرەتتەرى مەن ولارعا قاتىستى سوڭعى جاڭالىقتار ۇسىنىلادى. ءبىز قازاقستاننىڭ ەڭ باستى تۇلعالارى تۋرالى بارلىق مالىمەتتى ءبىر ايدارعا جينادىق، وسىلايشا ولار تۋرالى بار اقپاراتتى وڭاي ءارى جىلدام بىلۋگە بولادى.

بۇل نەگە قىزىقتى؟

• راستالعان مالىمەتتەر: بارلىق اقپارات فاكتچەكينگتەن وتەدى جانە قازاقستان سەگمەنتىندەگى ەڭ تولىق ءارى سەنىمدى دەرەك بولىپ سانالادى؛

• مۋلتيمەديالىق فورمات: ءاربىر دەرەكتە فوتوسۋرەتتەر، ءتيىستى جاڭالىقتارعا سىلتەمەلەر مەن الەۋمەتتىك جەلىدەگى پروفيلدەر بار، بۇل ماتەريالدى سەنىمدى عانا ەمەس، تارتىمدى ەتە تۇسەدى؛

• قازاقستان مەديانارىعىندا بالاماسى جوق: «مالىمەت» - ەلدەگى تانىمال تۇلعالار جايلى ەڭ تولىق ءارى اشىق دەرەكتەر بازاسى؛

• ەكى تىلدە قولجەتىمدى: بارلىق اقپارات قازاق جانە ورىس تىلدەرىندە ۇسىنىلعان، بۇل ونى اناعۇرلىم اۋقىمدى اۋديتورياعا قولجەتىمدى ەتەدى؛

• قولايلى: بارلىق دەرەك ءبىر جەرگە شوعىرلانعان، بۇل قازاقستاننىڭ قازىرگى كەلبەتىن قالىپتاستىرىپ جاتقان تۇلعالار تۋرالى جان-جاقتى مالىمەتتى وڭاي الۋعا مۇمكىندىك بەرەدى.

جوبا جۋرناليستەرگە، ساراپشىلارعا، ستۋدەنتتەرگە، زەرتتەۋشىلەرگە جانە مەملەكەتتىك ءارى قوعامدىق پروتسەستەرگە ىقپال ەتەتىن تۇلعالارعا قىزىعۋشىلىق تانىتقان بارلىق وقىرمانعا ارنالعان.

كەلەشەكتە «مالىمەت» ورتالىق ازيا ەلدەرىنىڭ بەلگىلى تۇلعالارىن دا قامتيتىن بولادى.

Kazinform اگەنتتىگى اقپارات تاراتۋدىڭ زاماناۋي فورماتتارىن دامىتۋدى جالعاستىرادى جانە قوعامدى سەنىمدى ءارى پايدالى دەرەككوزبەن قامتۋدى ماقسات ەتەدى.

ايدارعا سىلتەمەلەر:

https://kaz.inform.kz/persons

https://www.inform.kz/persons

ايتا كەتەيىك، بيىل KAZINFORM اگەنتتىگىنە 105 جىل تولادى. اگەنتتىكتىڭ مەرەيتويىنا ارنالعان ماتەريالدار توپتاماسى جاريالانىپ تۇرادى. وسى ورايدا، مۇراعات دەرەكتەرىنەن 1953-جىلى جامبىل وبلىسىنىڭ سۆەردلوۆ اۋدانىنا قاراستى «ترۋد پاحاريا» كەڭشارىندا سۋ سورۋ ءۇشىن جەل قوزعالتقىشىنىڭ ورناتىلعانى تۋرالى اقپارات اگەنتتىك تاسپاسى ارقىلى بۇكىل رەسپۋبليكاعا تاراعانى جايلى جازبا تابىلدى.