كاتونقاراعايداعى فوتوتۇزاققا سيرەك كەزدەسەتىن جانۋارلار ىلىكتى
13:07, 05 - قاراشا 2024
وسكەمەن. KAZINFORM - «كاتونقاراعاي» مەملەكەتتىك ۇلتتىق تابيعي پاركىندە ورناتىلعان فوتوتۇزاققا سيرەك كەزدەسەتىن جانۋارلار ىلىكتى.
تابيعي پاركتەگى فوتوتۇزاققا سيرەك كەزدەسەتىن جانۋارلار - سىلەۋسىن مەن ءسىبىر تاۋ ەشكىسى ءتۇسىپ قالدى. وبەكتيۆكە تاۋ ۇستىنە قونىپ، اينالاسىن شولا قاراپ وتىرعان بۇركىت تە ىلىككەن.
«بۇل كادرلار جابايى تابيعاتتى زەرتتەۋ جانە سيرەك جانۋارلاردى قورعاۋ ءۇشىن ماڭىزدى دەرەككوزىنە اينالماق. مۇنداي دەرەكتەر وڭتۇستىك التايدىڭ بيولوگيالىق الۋانتۇرلىلىگىن زەرتتەۋ مەن ساقتاۋعا زور مۇمكىندىك بەرەدى»، - دەپ حابارلادى «كاتونقاراعاي» مەملەكەتتىك ۇلتتىق تابيعي پاركىنەن.
ەسكە سالساق، وسى جىلدىڭ قازان ايىندا كاتونقاراعايدا ەكى الانىن ەرتىپ بارا جاتقان ءىلبىس فوتوتۇزاققا ءتۇسىپ قالعانىن جازعان ەدىك.