كاتونقاراعايدا قار جاۋدى
12:08, 18 - ءساۋىر 2025
وسكەمەن. KAZINFORM - شىعىس قازاقستان وبلىسى كاتونقاراعاي اۋدانىندا قار جاۋىپ كەتتى.
كەشە «قازگيدرومەد» ش ق و فيليالى وبلىس اۋماعىندا جاڭبىر مەن قار جاۋۋى مۇمكىندىگىن ەسكەرتكەن. راسىمەندە بۇگىن كاتونقاراعاي اۋدانىندا قالىڭ قار ءتۇستى.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، اۋدانعا قاراي جولعا شىققان كولىك جۇرگىزۋشىلەرىنە بارىنشا ساق بولۋ كەرەك.
- اۋا رايىنىڭ كۇرت ناشارلاۋىنا جانە قالىڭ قاردىڭ جاۋۋىنا بايلانىستى جولدا اسا ساق بولىڭىزدار. قاۋىپسىزدىك ەرەجەلەرىن قاتاڭ ساقتاپ، جىلدامدىقتى رۇقسات ەتىلگەن شەكتەن اسىرماڭىزدار. مۇمكىندىك بولسا اۋا- رايى تۇراقتالعانشا ۇزاق ساپارعا شىقپاعان ءجون، - دەپ ەسكەرتتى پوليتسەيلەر.
ەسكە سالساق، تاياۋدا شىعىس قازاقستاندا جولدى سۋ شايىپ كەتكەن بولاتىن.
اۆتور
تالعاتجان مۇحامەتبەك ۇلى