كاتونقاراعاي اۋدانىنا اۋەجاي قاشان سالىنادى
وسكەمەن. KAZINFORM - شىعىس قازاقستان وبلىسىنداعى كاتونقاراعاي جانە زايسان اۋداندارىنا اۋەجاي سالىنباق.
ش ق و جولاۋشى كولىگى جانە اۆتوموبيل جولدارى باسقارماسىنىڭ مالىمەتىنە سۇيەنسەك، كاتونقاراعاي جانە زايسان اۋداندارىندا اۋەجاي سالىناتىن جەر تاڭدالدى. اۋەجايلاردىڭ ۇشۋ-قونۋ جولاعىنىڭ ۇزىندىعى كەمىندە 2000 مەتر بولادى.
«قۇرىلىس جۇمىستارى جوسپار بويىنشا 2025 - جىلدىڭ سوڭىنا قاراي اياقتالادى. قازىر جەرگىلىكتى اتقارۋشى ورگاندار ءتيىستى جەر القابىن ءبولۋ جاعىن قاراستىرىپ جاتىر. كاتونقاراعاي اۋدانى بويىنشا جەر ۋچاسكەسى سولداتوۆو اۋىلىنىڭ ماڭىنان تاڭدالدى. زايسان اۋدانى بويىنشا بۇرىنعى اسكەري ايەرودروم ورنى قولايلى سانالدى»، - دەيدى باسقارما باسشىسىنىڭ ورىنباسارى قۋانىش اكراموۆ.
اۋەجايلار قۇرىلىسىنا قانشا قاراجات جۇمسالاتىنى ءالى بەلگىسىز.
ەسكە سالساق، مەملەكەت باسشىسى قاسىم-جومارت توقايەۆ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى جولداۋىندا كاتونقاراعاي مەن كەندىرلىگە اۋە قاتىناسىن رەتتەۋدى تاپسىرعان.
اۆتور
تالعاتجان مۇحامەتبەك ۇلى