كاسىپقوي بوكس: «قازاق جاۋىنگەرى» تانزانيالىق بوكسشىمەن جۇدىرىقتاسادى

استانا. KAZINFORM - «قازاق جاۋىنگەرى» لاقاپ اتىمەن كاسىپقوي بوكستا ونەر كورسەتىپ جۇرگەن قانداسىمىز ەلشات نىعمەتوللانىڭ (19-0-1, 6 ك و) كەزەكتى جەكپە- جەگىندەگى قارسىلاسى انىقتالدى.

Irfin Promotions كومپانياسىنىڭ حابارلاۋىنشا، «قازاق جاۋىنگەرى» 21-قىركۇيەكتە الماتىدا وتەتىن كاسىپقوي بوكس كەشىندە تانزانيالىق بوكسشى مۋحسين كيزوتامەن (20-5-0, 12 ك و) جۇدىرىقتاسادى.

ايتا كەتەرلىگى، ەلشات نىعمەتوللا كاسىپقوي بوكستا 2019 -جىلدان باستاپ قازاقستاننىڭ نامىسىن قوعاپ ءجۇر. سۋپەر جەڭىل سالماقتا الەمدىك رەيتينگىدە 76-ورىندا.

30 جاستاعى سپورتشى 2014 -جىلى كاسىپقوي بوكسقا اۋىسىپ، 2016 -جىلى WBO تۇجىرىمى بويىنشا قىتاي چەمپيونى، 2018 -جىلى WBC تۇجىرىمى بويىنشا ازيا چەمپيونى اتانعان بولاتىن.

اۆتور

مۇحتار قاليموللا ۇلى