استانا. KAZINFORM - ورتا سالماقتا WBO جانە IBF نۇسقاسى بويىنشا الەم چەمپيونى، قازاقستاندىق كاسىپقوي بوكسشى جانىبەك ءالىمحان ۇلى (16-0، 11 ك و) كەزەكتى قارسىلاسى اناۋەل نگاميسسەنگۋەمەن (14-0، 9 ك و) جەكپە-جەك الدىندا سالماق ولشەۋ راسىمىنەن ءوتتى.
ايتا كەتەرلىگى، بوكسشىلار 160 فۋنت (72,5 ك گ) سالماق دارەجەسىندە جۇدىرىقتاسادى.
سونىمەن قاتار بوكس كەشىنىڭ اندەركارتىندا شارشى الاڭعا شىعاتىن بالاۋسا مۇزدىمان، اعايىندى سابىرحاندار، باتىر جۇكەمبايەۆ، سۇلتان زاۋربەك، باحودير جالولوۆ جانە وتابەك حولماتوۆ قاتارلى بوكسشىلار سالماق ولشەۋدەن ءوتىپ، قارسىلاستارىمەن كوز ارباستى.
ەسكە سالا كەتسەك، جانىبەك ءالىمحان ۇلى 5-ءساۋىر كۇنى استانا قالاسىندا كەزەكتى جەكپە-جەگىن وتكىزىپ، چەمپيوندىق بەلدىكتەرىن قورعايدى.
بۇعان دەيىن حابارلاعانىمىزداي، بوكسشىلار كەشە استاناداعى Rixsos قوناق ۇيىندە باسپا ءسوز كونفەرانتسياسىن وتكىزگەن ەدى.
اۆتور مۇحتار قاليموللا ۇلى
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.