كاسىبي سپورت بيۋدجەتتەن تىس قارجىلاندىرۋعا كوشۋ كەرەك - ۆينوكۋروۆ
استانا. KAZINFORM - سىرتقى ىستەر مينيسترلىگىندە وتكەن «قازاقستاننىڭ ىزگى نيەت ەلشىلەرى» جوباسىنىڭ تۇساۋكەسەرىنەن كەيىن «استانا» ۆەلوكومانداسىنىڭ باس مەنەدجەرى الەكساندر ۆينوكۋروۆ كاسىبي سپورت كلۋبتارىن قارجىلاندىرۋ تۋرالى پىكىر ءبىلدىردى.
«مەن دۇرىس دەپ ەسەپتەيمىن. ارينە، كاسىبي سپورت بيۋدجەتتەن تىس قارجىلاندىرۋعا كوشۋ كەرەك. سوندىقتان ءبىز ىزدەپ جاتىرمىز، جۇمىس ىستەپ جاتىرمىز. مەنىڭ مينيسترگە ۇسىنىسىم بار»، - دەدى ول.
«استانا» باس مەنەدجەرى ول ۇسىنىستىڭ ءمانىن ازىرگە جالپىعا جاريالاي المايتىنىن ايتادى.
«قازىر ونى اشىپ ايتىپ جاتقىم كەلمەيدى. جالپى ءبىز ينۆەستيتسيا سالعىسى كەلەتىن جاقسى دەمەۋشى تاپتىق. ەگەر وسى ۇسىنىستى مەملەكەت باسشىسىنا دەيىنگى جوعارى لاۋازىمداعىلار ماقۇلداسا، بيۋدجەتكە سالماق سالمايتىن بولار ەدىك»، - دەدى ا. ۆينوكۋروۆ.
اۆتور
ەسىمجان ناقتىباي