كاسپي تەڭىزىنىڭ جاعالاۋىنداعى قامىس ءورتى 1 مىڭ گەكتارعا جەتتى

اتىراۋ. KAZINFORM -كاسپي تەڭىزىنىڭ جاعالاۋىنداعى قامىس ءورتى 1 مىڭ گەكتارعا جايىلعان. جاعالاۋداعى باتپاقتى اۋماقتاعى 20 گەكتار قامىس ءالى بىقسىپ جاتىر.

اتىراۋ وبلىستىق توتەنشە جاعدايلار دەپارتامەنتى قوعاممەن بايلانىس توبىنىڭ مالىمەتىنشە، 2-ناۋرىزدا بەرى كاسپي تەڭىزىنىڭ قۇرمانعازى اۋدانى اۋماعىنداعى جاعالاۋىندا قامىس ورتەنگەن.

«قۇرمانعازى اۋىلىنان 40 شاقىرىم قاشىقتىقتا «قۇرمانعازى ورمانشىلىعى» ك م م اۋماعىندا 1000 گەكتار الاڭدا قامىستىڭ جانعانى انىقتالدى. قامىس ورتىنەن اۋداننىڭ ەلدى مەكەندەرىنە ءتونىپ تۇرعان قاۋىپ جوق»، - دەپ حابارلادى دەپارتامەنتتىڭ قوعاممەن بايلانىس توبى.

بۇگىن، 4-ناۋرىزدا ءورت وشاعىنا بارلاۋ جۇرگىزۋ ءۇشىن «قازاۆياقۇتقارۋ» ا ق- نىڭ م ي-8 تىكۇشاعى اۋەگە كوتەرىلگەن.

«تەڭىز جاعالاۋىنىڭ باتپاقتى اۋماعىنداعى 20 گەكتاردا قامىس بىقسىپ جاتىر. ورتەنگەن قامىستىڭ 780 گەكتارى وزدىگىنەن ءسوندى. ال، اتىراۋ وبلىستىق توتەنشە جاعدايلار دەپارتامەنتىنىڭ قىزمەتكەرلەرى 200 گەكتاردا جالىندى ءسوندىردى. جالىندى جويۋعا توتەنشە جاعدايلار دەپارتامەنتىنەن، «قۇرمانعازى ورمانشىلىعى» ك م م- دان 37 ادام، 1 تەحنيكا، 4 موتوپومپا، 3 موتورلى قايىق جۇمىلدىرىلدى»، - دەپ ءمالىم ەتتى دەپارتامەنتتىڭ قوعاممەن بايلانىس توبىنان.

قامىس ءورتىن ءسوندىرۋ ءالى جالعاسىپ جاتىر. ءبىراق، تەڭىز جاعالاۋداعى باتپاق پەن جولدىڭ جوقتىعى جالىندى سوندىرۋگە قيىندىق تۋدىرىپ وتىر. .

ەسكە سالا كەتەلىك، بۇدان بۇرىن كاسپي تەڭىزىنىڭ رەسەيمەن شەكاراداعى جاعالاۋىندا قامىس ورتەنىپ جاتقانىن جازعان ەدىك.

كەيىن كاسپي تەڭىزىنىڭ جاعالاۋىندا 700 گەكتار قامىس ورتەنگەنىن حابارلاعان بولاتىنبىز.