ماڭعىستاۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنىڭ مالىمەتىنشە، اققۋلاردىڭ قىرىلۋى ءبىر اپتا بۇرىن انىقتالعان.
«21-22 -جەلتوقسان كۇندەرى ماڭعىستاۋ وبلىسىندا ەرەكشە قورعالاتىن تابيعي اۋماقتا «قاراقيا- قاراكول» قاۋمالىنىڭ ينسپەكتورلارى قورعاۋ، رەيدتىك ءىس-شارالار جۇرگىزۋ كەزىندە «قاراكول» كولى اۋماعىنان 30 اققۋدىڭ ولەكسەسى تابىلدى. 23-24-جەلتوقسان كۇندەرى دە كولدەن ولگەن اققۋ دەنەلەرى تابىلعان. قۇستاردىڭ قىرىلۋىنا بايلانىستى ءتيىستى ۆەتەرينارلىق سىنامالاردى الۋ ءۇشىن «ءۇستىرت» قورىعى تاراپىنان (قاۋمالدىڭ قورعاۋ جۇمىسى «ءۇستىرت» قورىعىنا جۇكتەلگەن) وبلىستىق اۋىل شارۋاشىلىق باسقارماسى، ا ش م ۆەتەرينارلىق باقىلاۋ جانە قاداعالاۋ كوميتەتىنىڭ م و اۋماقتىق ينسپەكسياسى حابارلانىپ، اقتاۋ قالالىق ۆەتەرينارلىق ستانتسياسىنىڭ ماماندارى 22-جەلتوقسان كۇنى اققۋ ولەكسەلەرىنەن ءتيىستى سىنامالار الدى»، - دەپ جازىلعان ينسپەكسيا تاراتقان اقپاراتتا.
بۇدان بولەك، قۇستاردىڭ قىرىلۋىنا بايلانىستى الماتى قالاسىنداعى «ميكروبيولوگيا جانە ۆيرۋسولوگيا» عىلىمي وندىرىستىك ورتالىعى ماماندارى دا ولگەن اققۋلاردان ءتيىستى سىنىمالار العانى بەلگىلى بولدى. بۇدان بولەك، م و ەكولوگيا دەپارتامەنتىندە كول سۋىنان سىناما الۋ تۋرالى حات جولداندى.
ينسپەكسيا ماماندارى قاراكول كولىندە اققۋ ولەكسەلەرىنەن الىنعان سىنامالاردىڭ قورىتىندىسى شىققاننان كەيىن قوسىمشا حابارلاما بەرەتىنىن مالىمدەدى.
اۆتور
ەربول جانات