كاسپي جاعاسىندا كەمە زاۋىتى سالىنادى

  كولىك مينيسترلىگى ونەركاسىپتى دامىتۋ قورى ارقىلى كەمە ءوندىرىسىن قولعا الماقشى، دەپ حابارلايدى Kazinform.

كولىك ءمينيسترى مارات قارابايەۆ ۇكىمەت وتىرىسىندا وسىنداي دەرەك ايتتى.

«قازىرگى تاڭدا «قازاقستان تەڭىزفلوتى» كومپانياسى كەمەلەردىڭ جاڭا مودەلىن جوبالاۋدا. ول جوبالاردى ونەركاسىپتى دامىتۋ قورى ارقىلى قارجىلاندىرۋ مۇمكىندىگى قاراستىرىلادى. كەمە زاۋىتىنىڭ ءوندىرىسىن باستاپقى كەزەڭدە كاسپي جاعالاۋىندا ورنالاسقان نىسانداردىڭ بازاسىندا باستاۋ جوسپارلانىپ وتىر. اتاپ ايتقاندا، مەتالل قۇراستىرۋ جۇمىستارىن جۇرگىزۋگە مۇمكىندىگى بار «ەرساي» كومپانياسىنىڭ الەۋەتىن قولدانۋ قاراستىرىلعان»، - دەدى مينيستر.

ونىڭ سوزىنشە، جوبانى ىسكە اسىرۋعا «YDA» «Asfat» جانە «ADP» كومپانيالارى قىزىعۋشىلىق تانىتىپ وتىر.

«وعان قوسا، 150 دەن استام كەمەنى جوندەۋ قاجەت. ولار دا وسى وتاندىق كەمە زاۋىتىندا جوندەۋدەن وتەدى»، - دەدى مارات قارابايەۆ.