ۆەدومستۆو اتاپ وتكەندەي، ونىڭ باستى ەرەكشەلىگى - جەر شارىندا تەك كاسپي تەڭىزىندە عانا كەزدەسۋى، ياعني بۇل جانۋاردى تابيعي ورتادا الەمنىڭ باسقا ەشبىر جەرىنەن كورە المايسىز.
كاسپيي ءيتبالىعى ءومىرىنىڭ باسىم بولىگىن سۋدا وتكىزەدى. قورەك ىزدەپ ۇزاق قاشىقتىقتاردى ءجۇزىپ وتەدى. ال قىستا كاسپيدىڭ سولتۇستىك بولىگىندەگى مۇزدى القاپتار ەرەكشە ماڭىزعا يە - انالىقتارى مۇز ۇستىندە كۇشىكتەيدى.
الايدا كاسپيدىڭ وسى بىرەگەي تۇرعىنى ەرەكشە قورعاۋدى قاجەت ەتەدى. تەڭىزدىڭ لاستانۋى، بالىق اۋلاۋ قۇرالدارىنا كەزدەيسوق ءتۇسۋى، مەكەن ەتۋ ورتاسىنىڭ وزگەرۋى جانە باسقا دا فاكتورلار ونىڭ پوپۋلياتسياسىنا اسەر ەتەدى.
- قازاقستاندا كاسپي ءيتبالىعى قىزىل كىتاپقا ەنگىزىلگەن جانە مەملەكەت قورعاۋىندا. ءتۇردىڭ جاعدايىن زەرتتەۋ، سانىن ەسەپكە الۋ جانە مەكەن ەتۋ ورتاسىن ساقتاۋ باعىتىندا عىلىمي مونيتورينگ جۇرگىزىلەدى. كاسپي ءيتبالىعىن قورعاۋ - ءبىر عانا جانۋاردى قورعاۋ ەمەس. بۇل كاسپي تەڭىزىنىڭ تۇتاس ەكوجۇيەسىن جانە الەمدە بالاماسى جوق تابيعي مۇرامىزدى ساقتاۋ،- دەيدى ماماندار.
وسىعان دەيىن بالىق شارۋاشىلىعى كوميتەتىنىڭ ءتوراعاسى سەرىك سەرماعامبەتوۆ كاسپي تەڭىزىنىڭ بارلىق اۋماعىندا يتبالىقتار قىرىلىپ جاتقانىن ايتتى.