«مەملەكەت باسشىسىنىڭ قارجى جۇيەسىن تۇراقتاندىرۋدى قامتاماسىز ەتۋ بويىنشا تاپسىرماسىن ورىنداۋ بارىسىندا قازاقستاننىڭ ۇلتتىق بانكى سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن جانە باسقا دا مۇددەلى مەملەكەتتىك ورگاندارمەن بىرلەسىپ، ەكىنشى دەڭگەيلى بانكتەردىڭ موبيلدى قوسىمشالارىن قالپىنا كەلتىرۋ بويىنشا جۇمىستار جۇرگىزدى»، - دەلىنگەن حابارلامادا.
وعان سايكەس، ەلىمىزدەگى ءىرى بانكتەردىڭ - Halyk Bank (Homebank قوسىمشاسى) پەن Kaspi.kz كليەنتتەرى موبيلدى قوسىمشالاردى ينتەرنەتكە كىرمەي-اق قولدانا الادى. ول ءۇشىن موبيلدى بايلانىس بولۋى شارت. سونىڭ ىشىندە، الماتى قالاسىنىڭ تۇرعىندارىنا دا بانك قوسىمشالارى قولجەتىمدى.
تۇرعىندار ادەتتەگىدەي قوسىمشا ارقىلى ەسەپ ايىرىسىپ، موبيلدى تولەمدەر جانە باسقا دا قاجەتتى وپەراتسيالار جۇرگىزە الادى.
قازىرگى ۋاقىتتا باسقا دا ەكىنشى دەڭگەيلى بانكتەردىڭ موبيلدى قوسىمشالارىن قالپىنا كەلتىرۋ جۇمىسى ءجۇرىپ جاتىر.