قىتايدىڭ حاڭجۋ قالاسىندا ءوتىپ جاتقان ازيا ويىندارىندا بوكسشى كارينا يبراگيموۆا كۇمىس جۇلدەگەر اتاندى، دەپ حابارلايدى قازاقپارات ءتىلشىسى.
الەم چەمپيوناتىنىڭ ءۇش دۇركىن جۇلدەگەرى ك. يبراگيموۆا فينالدا تايبەيلىك تين يۋ لينمەن قولعاپ ءتۇيىستىردى.
سوڭعى باسەكەدە تايبەيلىك بوكسشى تورەشىلەردىڭ ءبىراۋىزدان شەشىمىمەن جەڭىسكە جەتتى.
وسىلايشا كارينا كۇمىستى قاناعات تۇتتى.
بۇگىن سونداي- اق قامشىبەك قوڭقابايەۆ اسا اۋىر سالماقتا وليمپيادا چەمپيونى، وزبەكستاندىق باحودير جالولوۆپەن التىندى ساراپقا سالادى.
ەسكە سالا كەتەيىك، بۇدان بۇرىن قازاقستان قورجىنىنا تاعى ەكى مەدال تۇسكەنىن جازعان بولاتىنبىز.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.