قىتايدىڭ حاڭجوۋ قالاسىندا ازيا ويىندارىنىڭ سوڭعى كۇنىندە كاراتەشى ءمولدىر جاڭبىربايعا كۇمىس مەدال بۇيىردى، دەپ حابارلايدى قازاقپارات ءتىلشىسى.
قازاقستاندىق سپورتشى فينالدا 2018 -جىلعى ازيا ويىندارىنىڭ جەڭىمپازى، تايبەيلىك شياۋ شۋانگ گۋمەن التىن جۇلدەنى ساراپقا سالدى.
قارسىلاستار 5:5 ەسەبىمەن تەڭ تۇسكەنىمەن، التىن سوڭعى ناتيجەلى ءادىستى جاساعان تايبەيلىكتىڭ ەنشىسىندە كەتتى.
وسىلايشا، قازاقستان ۇلتتىق قۇراماسى 10 التىن، 22 كۇمىس، 49 قولا جۇلدەمەن مەدالدار كەستەسىندە 11-ورىنعا تۇراقتادى.
ەسكە سالا كەتەيىك، بۇدان بۇرىن كاراتەشى ءمولدىر جاڭبىربايدىڭ ازيا ويىندارىنىڭ فينالىنا جولداما العانىن جازعان بولاتىنبىز.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.