كانۆون-2024: وليمپيادا ويىندارىنىڭ جارىس كەستەسى جاريالاندى

استانا. KAZINFORM - بۇگىن وڭتۇستىك كورەيانىڭ كانۆون قالاسىندا الاۋى تۇتاناتىن IV قىسقى جاس وسپىرىمدەر وليمپياداسىنىڭ جارىس كەستەسى جاريالاندى.

ق ر تۋريزم جانە سپورت مينيسترلىگىنىڭ باسپا ءسوز قىزمەتى ءمالىم ەتكەندەي، جارىستىڭ اشىلۋ سالتاناتى بۇگىن، ياعني، 19-قاڭتاردا كاننىن قالاسىنداعى «Gangneuung Oval» سپورت كەشەنىندە وتەدى. بۇل نىساندا كونكيمەن جۇگىرۋ سپورتىنان جارىستار ۇيىمداستىرىلادى.

جارىس كەستەسى تومەندەگىدەي:

فوتو: تۋريزم جانە سپورت مينيسترلىگىنەن

كانۆون-2024 ويىندارىنا 14 پەن 17 جاس ارالىعىنداعى الەمنىڭ 70 ەلىنەن 1800 سپورتشى قاتىسادى. مۇندا 7 سپورت ءتۇرىنىڭ 15 باعدارلاماسى بويىنشا 81 مەدال جيىنتىعى ساراپقا سالىنادى.

وليمپيادانىڭ جابىلۋ سالتاناتى 1-اقپان كۇنى كاننىنداعى «Gangneung Olympic Park» سپورت كەشەنىندە وتەدى دەپ جوسپارلانعان.

اۆتور
كۇنسۇلتان وتارباي