كانۆون. KAZINFORM - وڭتۇستىك كورەيانىڭ كانۆون قالاسىندا ءوتىپ جاتقان IV قىسقى جاس وسپىرىمدەر وليمپياداسىندا قازاقستاندىق حوككەيشىلەر ەكىنشى جەڭىسىنە قول جەتكىزدى. ولار بەسىنشى ويىنىندا تايبەيدەن كەلگەن قارسىلاستارىن 14:2 ەسەبىمەن قاپى قالدىردى.
ەندى توپتاعى سوڭعى ەكى ويىندى قازاقستان قۇراماسى يسپانيا مەن ۇلى بريتانياعا قارسى وتكىزەدى.
ەستەرىڭىزگە سالا كەتەيىك، قازاقستاندىق حوككەيشىلەر وليمپيادانىڭ العاشقى ويىنىندا پولشانى 18:8 (3:2، 5:4، 10:2) ەسەبىمەن جەڭگەنىن جازعان ەدىك.
الايدا، جارىستىڭ ەكىنشى كۇنى اۆستريادان 8-9 ەسەبىمەن ۇتىلسا، لاتۆيادان 11-15 ەسەبىمەن جەڭىلىپ قالدى. ال بۇگىن ءتۇستىڭ الدىندا دانيالىق ويىنشىلارعا قارسى ويىندا قارسىلاستارىنا 8:6 ەسەبىمەن جول بەردى.
اۆتور كۇنسۇلتان وتارباي
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.