كانۆون-2024: قازاقستان حوككەيشىلەرىنىڭ العاشقى قارسىلاسى انىقتالدى

استانا. KAZINFORM - وڭتۇستىك كورەيانىڭ كانۆون قالاسىندا وتەتىن IV قىسقى جاس وسپىرىمدەر وليمپياداسىندا سىنعا تۇسەتىن قازاقستاندىق حوككەيشىلەرىمىزدىڭ العاشقى قارسىلاستارى بەلگىلى بولدى.

ۇلتتىق وليمپيادا كوميتەتى ءمالىم ەتكەندەي، 20- قاڭتار كۇنى قازاقستان كومانداسى تۋرنيردەگى العاشقى ماتچىن پولشاعا قارسى وتكىزبەك.

باپكەرلەر 16 جاسقا دەيىنگى 13 حوككەيشىنى قۇرامعا قوستى.

ولار:

قاقپاشىلار: نيكيتا كۋلاكوۆ، ارسەنيي كۋچكوۆسكيي

قورعاۋشىلار: تەمىرلان ايبول ۇلى، ءادىلحان ساتتار، راسۋل تۇرسىنوۆ، ارمان تولەن، ماتۆەي رەشەتكو

شابۋىلشىلار: ءانۋار احمەتجانوۆ، تاير بيگارينوۆ، ەگور كراۆچەنكو، رومان ميچۋروۆ، جاحانگەر تىلەۋحان، بەكسۇلتان ماقىش

باس باپكەر: رامازان قايداروۆ.

ەستەرىڭىزگە سالا كەتەيىك، كانۆونداعى قىسقى جاس وسپىرىمدەر وليمپياداسى 19- قاڭتار مەن 1- اقپان ارالىعىندا وتەدى.

اتالعان جارىسقا الەمنىڭ 50 مەملەكەتىنەن 1800 سپورتشى قاتىسادى. 7 سپورت تۇرىنەن (15 ديستسيپلينا) 81 مەدال جيىنتىعى ساراپقا سالىنادى.

وليمپيادانىڭ اشىلۋ سالتاناتىندا قازاقستان تۋىن كونكيمەن جۇگىرۋدەن پەتروپاۆلدان ۇلتتىق قۇرامانىڭ مۇشەسى كريستينا شۋمەكوۆا مەن ورالدىق شورت-ترەكشى ەراسىل شىڭعىسحان الىپ شىعادى.

اۆتوركۇنسۇلتان وتارباي