كانۆون-2024: قازاقستان حوككەيشىلەرى يسپانيانى قاپى قالدىردى
كانۆون. KAZINFORM - وڭتۇستىك كورەيانىڭ كانۆوندو قالاسىندا ءوتىپ جاتقان IV قىسقى جاس وسپىرىمدەر وليمپياداسىندا قازاقستاندىق حوككەيشىلەر ءۇشىنشى جەڭىسىنە قول جەتكىزدى.
وتانداستارىمىز التىنشى ويىنىندا يسپانيادان كەلگەن قارسىلاستارىن 14:4 ەسەبىمەن ايقىن باسىمدىلىقپەن ۇتتى.
ەندى توپتاعى سوڭعى ءبىر ويىن قالدى. جەرلەستەرىمىز بۇگىن تۇستەن كەيىنگى 14:30 دا ۇلى بريتانياعا قارسى سىنعا تۇسەدى.
ەستەرىڭىزگە سالا كەتەيىك، قازاقستاندىق حوككەيشىلەر وليمپيادانىڭ العاشقى ويىنىندا پولشانى 18:8 (3:2، 5:4, 10:2) ەسەبىمەن جەڭگەنىن جازعان ەدىك.
ال كەشە جەرلەستەرىمىز تايبەيدەن كەلگەن قارسىلاستارىن 14:2 ەسەبىمەن قاپى قالدىردى.
الايدا، جارىستىڭ ەكىنشى كۇنى اۆستريادان 8-9 ەسەبىمەن ۇتىلسا، لاتۆيادان 11-15 ەسەبىمەن جەڭىلىپ قالدى.
وليمپيادانىڭ ءۇشىنشى كۇنى دانيالىق قۇراماعا قارسى ماتچتا قارسىلاستارىنا 8:6 ەسەبىمەن جول بەردى.
حوككەيدەن قازاقستان قۇراماسىندا ەل نامىسىن مىنا سپورتشىلار قورعاپ جاتىر.
- ارسەني كۋچكوۆسكي
- نيكيتا كۋلاكوۆ
- تەمىرلان ايبول ۇلى
- ماتۆەي رەشەتكو
- راسۋل تۋرسىنوۆ
- جاحانگەر تلەۋحان
- تاير بيگارينوۆ
- رومان ميچۋروۆ
- ەگور كراۆچەنكو
- ءادىلحان ساتتار
- بەكسۇلتان ماقىش
- ارمان تولەن
- انۋار احمەتجانوۆ.
اۆتور كۇنسۇلتان وتارباي