كانۆون-2024: IV قىسقى جاس وسپىرىمدەر وليمپياداسىنىڭ اشىلۋ سالتاناتى باستالدى
استانا. KAZINFORM - وڭتۇستىك كورەيانىڭ كانۆون قالاسىندا وتەتىن IV قىسقى جاس وسپىرىمدەر وليمپياداسىنىڭ رەسمي اشىلۋ سالتاناتى باستالدى.
ايتۋلى سپورتىق ءىس-شارانىڭ اشىلۋى كاننىن قالاسىنداعى «Gangneuung Oval» سپورت كەشەنىندە ءوتىپ جاتىر. بۇل نىساندا كونكيمەن جۇگىرۋ سپورتىنان جارىستار ۇيىمداستىرىلادى.
ءدال قازىرگى ۋاقىتتا ءار ەلدەن كەلگەن ۇلتتىق قۇرامالار اتالعان سپورت كەشەنىنە كەلىپ، ءوز ەلدەرىنىڭ تۋىن كوتەرىپ، قۇرامالارىن تانىستىرۋعا دايىندالىپ جاتىر. ترانسلياتسيانى Olimpics.com ۆەب-سايتىندا كورە الاسىزدار.
ايتا كەتەيىك، كانۆون-2024 جاس وسپىرىمدەر اراسىنداعى IV قىسقى وليمپيادا ويىندارى 19- قاڭتاردا اشىلادى جانە 1- اقپانعا دەيىن پحەنچحان 2018 قىسقى وليمپيادا ويىندارىن قابىلداعان وڭتۇستىك كورەيانىڭ كانۆون پروۆينتسياسىندا وتەدى. اتالمىش ەلدەگى سپورتتىق باسەكەگە الەمنىڭ 50 ەلىنەن 1800 سپورتشى قاتىسادى دەپ جوسپارلانعان. جەتى سپورت تۇرىنەن (15 ءپان) 81 مەدال جيىنتىعى ويناتىلادى.
اۆتوركۇنسۇلتان وتارباي