اتالعان قىسقى ويىنداردا بياتلوننان ەل نامىسىن 6 سپورتشى قورعايدى.
ولار:
الەما قارابايەۆا
يلياس حاسەنوۆ
ەۆەلينا مەزەنتسيەۆا
انتون رەدكين
ماريا ۆوروبيەۆا
كيريلل زوتوۆ
كانۆون وليمپياداسىندا بياتلوننان 6 جۇلدە جيىنتىعى ساراپقا سالىناتىن بولادى.
ەستەرىڭىزگە سالا كەتەيىك، وسىعان دەيىنگى وليمپيادا ويىندارىندا بياتلوننان جاس وسپىرىمدەرىمىز 1 كۇمىس، 2 قولا مەدال جەڭىپ العان بولاتىن.
اتاپ ايتساق، 2012-جىلعى ينسبرۋك (اۋستريا) وليمپياداسىندا گالينا ۆيشنيەۆسكايا ءبىر ءوزى 1 كۇمىس، 1 قولا (بياتلون، سپرينت باعدارلاماسى، 6 شاقىرىم) - 17:55,2 جانە (بياتلون، ءىز كەسۋ باعدارلاماسى، 7,5 شاقىرىم) - 27:44,4 جەڭىپ الدى.
ال 2016-جىلى ليللەحاممەر (نورۆەگيا) وليمپياداسىندا ارينا پانتوۆا (بياتلون، سپرينت باعدارلاماسى، 6 شاقىرىم) - 18:40,6 قولا مەدالعا قول جەتكىزدى.
ازيا قۇرلىعى العاش رەت قابىلدايتىن جاستار ويىندارىنا قازاقستان 10 باعدارلامادا 42 سپورتشى اپارادى. ال دەلەگاتسيا ساپىندا رەسمي وكىلدەر، باپكەرلەر، دارىگەرلەر مەن ب ا ق وكىلدەرىن قوسقاندا 80 -نەن استام ادام بولادى.
بارلىعى باسەكە كەزىندە 79 مەملەكەتتەن جينالعان 1900 گە جۋىق اتلەت كۇش سىناسادى دەپ جوسپارلانعان.
اۆتور كۇنسۇلتان وتارباي