كانادا ازاماتتارىنا فرانسياعا بارعاندا ساق بولۋعا شاقىردى
استانا. KAZINFORM - كانادا «تەرروريستىك قاتەردىڭ جوعارى دەڭگەيىن» ەسكەرە وتىرىپ، ءوز ازاماتتارىن فرانتسياعا بارعان كەزدە اسا ساق بولۋعا شاقىردى، دەپ جازدى انادولى اگەنتتىگى.
كانادا ۇكىمەتىنىڭ رەسمي سايتىندا جاريالانعان ساياحات تۋرالى ەسكەرتۋىندە پاريجدەگى كانادا ەلشىلىگىنىڭ تەلەفون جەلىلەرى اجىراتىلعانى حابارلانعان.
ەسكەرتۋ ماتىنىندە كانادانىڭ ازاماتتارىنا فرانسياداعى جوعارى تەرروريستىك قاتەرگە بايلانىستى «اسا ساق بولۋ» قاجەت ەكەنى ايتىلىپ، كەلەسى مالىمەتتەر كەلتىرىلگەن:
- سوڭعى بىرنەشە جىلدا فرانسيادا ءبىرقاتار كەزدەيسوق جانە ادەيى جاسالعان شابۋىلدار بولدى. بۇل وقيعالاردىڭ سالدارىنان كوپتەگەن ادامدار قازا تاۋىپ، جاراقات الدى. جاڭا شابۋىلدار بولۋى مۇمكىن، - دەلىنگەن.
ەسكە سالا كەتەيىك، بۇعان دەيىن فرانسيادا تۇرمەلەرگە شابۋىل جاساعان 25 ادام ۇستالعانىن جازعان ەدىك.