كامچاتكادا كۇشتى جەر سىلكىنىسى بولدى

استانا. KAZINFORM - رەسەيدىڭ پەتروپاۆل- كامچاتسكي قالاسىنان 99 شاقىرىم قاشىقتىقتا ماگنيتۋداسى 5,2 بولاتىن جەر سىلكىنىسى تىركەلدى. بۇل تۋرالى Oxu.Az سايتى جازدى.

جەر سىلكىنىسى تۋرالى كامچاتكاداعى رەسەي عىلىم اكادەمياسىنىڭ بىرىككەن گەوفيزيكالىق قىزمەتىنىڭ Telegram-ارناسى حابارلاعان.

قىزمەتتىڭ مالىمەتىنشە، جەر سىلكىنىسىنىڭ ەپيسەنترى 52 شاقىرىم تەرەڭدىكتە ورنالاسقان. قالا تۇرعىندارىنىڭ ءتۇرلى اۋداندارىنان جازىلعان پىكىرلەرگە قاراعاندا، سەيسميكالىق وقيعا ايتارلىقتاي سەزىلگەن.

ەسكە سالا كەتەيىك، 20-شىلدەدە كامچاتكا تۇبەگىندە 6,8 ماگنيتۋدالى جەر سىلكىنىسى تىركەلگەن ەدى.

بۇل وسى ايماقتاعى قاتارىنان ءتورتىنشى جەر سىلكىنىسى بولاتىن.