پىكىرتالاستىڭ ءبىرىنشى بولىگى جانە ABC جۇرگىزۋشىسى دەۆيد ميۋير قويعان ءبىرىنشى سۇراق ەكونوميكاعا ارنالدى.
«ءسىز امەريكالىقتاردىڭ ءتورت جىل بۇرىنعىعا قاراعاندا جاقسىراق ءومىر ءسۇرىپ جاتقانىنا سەنەسىز بە؟» - دەپ سۇرادى ول.
حارريس ءبىرىنشى بولىپ جاۋاپ بەردى جانە «مۇمكىندىكتەر ەكونوميكاسىن» قۇرۋدى جوسپارلاپ وتىرعانىن ايتتى. ول باسپانا ماسەلەسىن شەشۋگە، جاس وتباسىلار مەن شاعىن بيزنەسكە كومەكتەسۋگە ۋادە بەردى.
ترامپ دەموكراتتار ءتورت جىلدا ەكونوميكانى جويعانىن ايتتى، ال حارريس دجو بايدەننىڭ ەكونوميكالىق باعدارلاماسىن كوشىرىپ العان.
«دونالد ترامپ ءبىزدى ۇلى كۇيزەلىس ۋاقىتىنان بەرگى ەڭ سۇمدىق جۇمىسسىزدىققا ۇشىراتتى. ءبىز (دەموكراتتار) جاساعاننىڭ ءبارى - دونالد ترامپ ورناتقان تارتىپسىزدىكتى ورنىنا كەلتىرۋ»، - دەدى حارريس.
ۆيتسە-پرەزيدەنت دونالد ترامپتىڭ جاڭا مەرزىمى قانداي بولۋى مۇمكىن ەكەنىن كورسەتەتىن «جوبا 2025» باعدارلاماسىنا بولەك توقتالدى. دەموكراتتار ءوز باستاماسىن وسى قۇجاتقا قارسى قويىپ وتىر.
مىڭعا جۋىق بەتتى قامتيتىن جوبانىڭ اۆتورى - Heritage Foundation. ونى دايىنداۋعا وداقتاستارى اتسالىسقانىمەن، ەكس-پرەزيدەنتتىڭ ءوزى ودان اۋلاق بولۋعا تىرىستى.
پىكىرتالاس كەزىندە ەكس-پرەزيدەنت «2025 جوباسىن» وقىماعانىن جانە وقۋعا نيەتى دە جوق ەكەنىن ايتىپ، تاعى دا باس تارتتى.
ۇمىتكەرلەر ءبىر-ءبىرىن بىرنەشە رەت وتىرىك ايتتى دەپ ايىپتادى.
پىكىرتالاستىڭ باسىندا حارريس كورەرمەننىڭ ترامپتان «كوپ وتىرىك، شاعىم مەن جامان ءسوز» ەستيتىنىن ايتتى.
اۆتور
زارينا تۋعانبايەۆا