كاليفورنيادا روبوتاكسي قىزمەتى جاپپاي توقتاتىلدى

استانا. قازاقپارات - Waymo كومپانياسى سان-فرانسيسكو ماڭىنداعى تاسجولداردا بولعان ەكى وقيعادان كەيىن امەريكالىق اۆتوجولدارعا ازىرگە جۇرگىزۋشىسىز كولىكتەردى شىعارمايدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى NBC News -كە سىلتەمە جاساپ.

Фото: wikipedia.org

 

كاليفورنيا بيلىگى Waymo كومپانياسىنىڭ روبوتاكسيلەرىنە شتات اۋماعىنداعى جولداردا جۇرۋگە تىيىم سالدى. بيلىك وكىلدەرىنىڭ ايتۋىنشا، بۇل كولىكتەر قوعامدىق قاۋىپسىزدىككە تىكەلەي قاتەر توندىرەدى.

كاليفورنيانىڭ كولىك قۇرالدارى دەپارتامەنتىنىڭ مالىمەتىنشە، مۇنداي شەشىم Waymo-نىڭ جۇرگىزۋشىسىز كولىكتەرىنىڭ ءبىرى سان-فرانتسيسكو ماڭىنداعى اۆتوماگيسترالدا قوزعالىستى رەتتەپ تۇرعان جول پاترۋلى قىزمەتكەرلەرىن اينالىپ وتۋگە ارەكەت جاساعاننان كەيىن قابىلدانعان.

بۇدان بولەك تاعى ءبىر وقيعا كومپانيانىڭ ءۇش روبوتاكسيى قۇرىلىس جۇرگىزىلىپ جاتقان جول بولىگىنە كىرىپ كەتكەن.

Waymo كومپانياسى قۇرىلىس الاڭىنداعى وقيعالاردان ەشكىم زارداپ شەكپەگەنىن جانە كولىكتەردىڭ سوقتىعىسپاعانىن حابارلادى. سونداي-اق اۆتوماگيسترالداردا قوزعالىستى قايتا باستاۋ ءۇشىن مەملەكەتتىك ورگاندارمەن بىرلەسىپ جۇمىس ىستەپ جاتقانىن مالىمدەدى.

ايتا كەتەيىك، Waymo كومپانياسىنىڭ روبوتاكسيلەرى ا ق ش-تىڭ وننان استام قالاسىندا قىزمەت كورسەتەدى. Google-دىڭ باس كومپانياسى Alphabet Inc. قۇرامىنا كىرەتىن Waymo جۇرگىزۋشىسىز تاكسيلەرىن العاش رەت 2024 -جىلى سان-فرانتسيسكو قالاسىندا ىسكە قوستى.