كاۋاپتى دەنساۋلىققا زيان كەلتىرمەيتىندەي ەتىپ دايىنداۋ جولى قانداي؟

دۇرىس دايىندالماعان كاۋاپ دەنساۋلىققا كەرى اسەر ەتۋى مۇمكىن. بۇل تۋرالى تەراپەۆت ولگا چيركوۆا NEWS. ru-عا بەرگەن سۇحباتىندا ايتتى.

ساراپشىنىڭ سوزىنشە، كاۋاپتى دۇرىس دايىنداۋداعى باستى مىندەت - اسقازانعا اۋىرلىق سالماي، جاقسى قورىتىلاتىنداي ەتىپ ءپىسىرۋ.

«ول ءۇشىن مايسىز ەتتى، ەڭ دۇرىسى قۇس ەتىن نەمەسە بالىقتى تاڭداۋدى ۇسىنامىن. ەت وڭاي قورىتىلۋى ءۇشىن ونى قىشقىل نارسەمەن مارينادتاۋ كەرەك»، - دەدى تەراپيەۆت.

دارىگەر ماريناد ءۇشىن المادان جاسالعان تابيعي سىركە سۋىن، مايدالاپ تۋرالعان كيۆي جەمىسىن قولدانۋعا كەڭەس بەردى. ال ءپىسىرۋ ءۇشىن دۇكەندەگى كومىردەن گورى تابيعي وتىندى، ال تۇتاتۋ ءۇشىن قۇرعاق بۇتاقتاردى قولدانعان ءجون ەكەنىن ايتتى.

دارىگەر كاۋاپتى اشىق وتتا قۋىرۋدىڭ جانە بۋعا ءپىسىرۋدىڭ ورنىنا باياۋ وتتا ءپىسىرۋ كەرەك ەكەنىن جەتكىزدى. سونىمەن قاتار، كوكونىستەر مەن شوپتەردى كاۋاپقا گارنير رەتىندە بەرگەن ءجون ەكەن. ماماننىڭ سوزىنشە، بۇل ەتتى كوپ جەمەۋگە جانە ىشەكتىڭ جۇمىسىن جاقسارتۋعا مۇمكىندىك بەرەدى.

ەسكە سالايىق، بۇعان دەيىن ناشار دايىندالعان كاۋاپتا دەنساۋلىققا قاۋىپتى ميكروورگانيزمدەر بولۋى مۇمكىن ەكەنى حابارلاندى. بۇل تۋرالى ەندوكرينولوگ، ديەتولوگ وكسانا ميحاليەۆا ايتتى.

دارىگەردىڭ سوزىنشە، دۇرىس پىسىرىلمەگەن كاۋاپتىڭ ەڭ باستى قاۋپى - سالمونەللا مەن ىشەك تاياقشالارى. ميحاليەۆا بۇل ميكروورگانيزمدەر اسقازان-ىشەك جولدارىنا اسەر ەتەتىنىن ايتتى.