بۇل تۋرالى كامچاتكاداعى جانارتاۋ اتقىلاۋىن باقىلاۋ توبى حابارلادى.
- بەينەباقىلاۋ دەرەكتەرى بويىنشا، كۇل تەڭىز دەڭگەيىنەن 6 شاقىرىم بيىكتىككە دەيىن كوتەرىلدى. سپۋتنيكتىك مالىمەتتەر جانارتاۋدان شىعىسقا قاراي سوزىلعان كۇل بۇلتىنىڭ ۇزىندىعى 130 شاقىرىمعا جەتكەنىن كورسەتتى، - دەدى عالىمدار.
جانارتاۋدىڭ بەلسەندىلىگى تومەن بيىكتىكتە ۇشاتىن اۋە كەمەلەرىنە قاۋىپ ءتوندىرۋى مۇمكىن.
كليۋچيەۆسكايا سوپكا - ەۋرازياداعى ەڭ بيىك بەلسەندى جانارتاۋ. ونىڭ توبەسىندەگى كراتەردىڭ ديامەترى شامامەن 700 مەتر. بەتكەيلەرىندە 80 گە جۋىق جاناما جارىلىس كراتەرى مەن شلاك كونۋستارى ورنالاسقان.
جانارتاۋ 15-تامىزدا اتقىلاي باستادى.
بۇعان دەيىن كامچاتكاداعى كليۋچيەۆسكايا سوپكا جانارتاۋى 6 شاقىرىم بيىكتىككە كۇل شاشىپ، كۇل بۇلتى ەلدى مەكەندەر جوق وزەرنىي شىعاناعىنا قاراي تارالعانى حابارلانعان.