استانا. KAZINFORM - حالىق قاھارمانى، قازاقستاننىڭ، ك س ر و حالىق ءارتيسى روزا باعلانوۆانىڭ ومىردەن قايتقانىنا بيىل 13 جىل. بۇلبۇل ءانشىنى ەسكە الۋ ءۇشىن الماتىداعى «اناعا قۇرمەت» مۋزەيى ونىڭ ۇرپاقتارىمەن كەزدەسۋ وتكىزدى.
ءىس-شاراعا قالا تۇرعىندارى مەن قوناقتارى قاتىستى. كەشكە روزا باعلانوۆانىڭ پروديۋسەرى بولعان قۋانىش ابدۋحاليموۆ، ءانشىنىڭ ۇلى مەن كەلىنى ارنايى شاقىرتىلدى. سونىمەن قاتار قاسكەلەڭ مادەنيەت كوللەدجىنىڭ ستۋدەنتتەرى اننەن شاشۋ شاشتى. جيىن بارىسىندا ءانشىنىڭ ۇلى تاجەن مەن كەلىنى مارال باعلانوۆالار «اناعا قۇرمەت» مۋزەيىنە اناسىنىڭ شاپانى مەن بورىگىن، ساحنالىق اياق كيىمى مەن 1980-1990 -جىلداعى شىققان كونسەرتىنىڭ افيشاسىن، سونىمەن بىرگە اۆتوبيوگرافيالىق كىتابىن تارتۋ ەتتى. مۋزەي قىزمەتكەرلەرى ريزاشىلىعىن ءبىلدىرىپ، بۇل اماناتتى مۋزەي قابىرعاسىنا قوياتىنىن ايتتى.
گۇلنار ءابىش،
«اناعا قۇرمەت» مۋزەيىنىڭ مەڭگەرۋشىسى
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан