كۇندە قۋاتتى جارىلىستار بولدى: جەرگە قانداي قاۋىپ بار

رەسەي عىلىم اكادەمياسىنىڭ عارىشتىق زەرتتەۋلەر ينستيتۋتىنىڭ كۇن استرونومياسى زەرتحاناسىنىڭ مالىمەتىنشە، جارىلىستار ءدال قازىرگى ۋاقىتتا جەرگە قاۋىپ توندىرمەيدى. دەگەنمەن، ساراپشىلار بەلسەندى ايماق جەر پلانەتاسىنا ەكى كۇننەن كەيىن اسەر ەتە باستايدى دەپ ناقتىلادى.

ەگەر جارىلىستار بەلسەندىلىگىن ساقتاسا، گەوماگنيتتىك جاعدايعا ىقپال ەتەتىن جاڭا جاعدايلار تۋىنداۋى مۇمكىن.

باقىلاۋ دەرەكتەرىنشە، 10-مامىردا كۇندە C كلاسىنا جاتاتىن ءالسىز 11 جارىلىس تىركەلدى. ال بۇعان دەيىنگى M كلاسىنا جاتاتىن ءىرى جارىلىس 7-مامىردا بولعان، بۇل جۇلدىزدىڭ بەلسەندىلىگىنىڭ ساقتالىپ وتىرعانىن كورسەتەدى.

ماماندار جاعدايدى ۇزدىكسىز باقىلاپ وتىر. ولار جاقىن كۇندەرى كۇن بەلسەندىلىگىنىڭ دەڭگەيى وزگەرۋى مۇمكىن ەكەنىن جوققا شىعارمايدى.

كۇندەگى جارىق جارىلىستارى رەنتگەن ساۋلەسىنىڭ قارقىندىلىعى بويىنشا

بەس كلاسقا بولىنەدى: A ،B ،C ،M جانە X. ولار جەردە ماگنيتتىك داۋىلداردى تۋدىرۋى مۇمكىن، بۇل ەنەرگەتيكالىق جۇيەلەردىڭ جۇمىسىنا، قۇستار مەن جانۋارلاردىڭ ميگراتسياسىنا اسەر ەتىپ، پوليارلىق شامداردىڭ كورىنۋ ايماعىن كەڭەيتەدى.

وسىعان دەيىن كۇندەگى وزگەرىستەر سپۋتنيكتەر مەن بايلانىسقا اسەر ەتۋى مۇمكىن ەكەنى تۋرالى جازدىق.