— كولەمى جارتى ميلليون شاقىرىمعا جۋىق وتە ءىرى كۇننىڭ بەتىندەگى پلازمالىق بۇلت ءبولىنىپ شىققان ءساتى بىردەن بىرنەشە عارىش تەلەسكوپىنىڭ كامەراسىنا ءتۇسىپ قالدى، — دەلىنگەن حابارلامادا.
بۇل — كۇننىڭ بەتىندە قالقىپ تۇراتىن سۋىق گاز بۇلتتارى. ولار كوبىنە جۇلدىز بەتىنەن ونداعان، ءتىپتى جۇزدەگەن مىڭ شاقىرىم بيىكتىكتە ورنالاسادى. بۇل گاز بۇلتتارى ماگنيت ءورىسىنىڭ كۇش سىزىقتارىمەن شىرمالىپ، سولاردىڭ اسەرىنەن ءبىر ورىندا تۇراقتاپ تۇرادى. سونىمەن قاتار ۋاقىت وتە كەلە كولەمى ۇلعايا بەرەدى. كەيدە ولاردىڭ ۇزىندىعى جۇزدەگەن مىڭ، سيرەك جاعدايدا ميلليون شاقىرىمعا دەيىن جەتەدى.
پروتۋبەرانەتستەر كۇن ءتاجىنىڭ تابيعي قۇرىلىمىنا جات بولعاندىقتان، جۇلدىز ولاردان ارىلۋعا تىرىسىپ، عارىشقا لاقتىرادى. مۇنداي قۇبىلىستار ماگنيتتىك داۋىلدارعا سەبەپ بولۋى مۇمكىن. الايدا بۇل جولى پلازمالىق بۇلت جەرگە قاراي ەمەس، ءبۇيىر باعىتقا قاراي قوزعالىپ بارادى. مامانداردىڭ بولجاۋىنشا، ونىڭ جولىندا مارس بولۋى مۇمكىن.
سوعان قاراماستان، پروتۋبەرانەتس جەرگە دە اسەر ەتۋى ىقتيمال. ءبىراق ونىڭ سالدارى ايتارلىقتاي بولمايدى دەپ بولجانىپ وتىر.
بۇعان دەيىن قازان ايىنىڭ سوڭىندا جەردە ماگنيتتىك داۋىل بولۋى مۇمكىن ەكەنىن جازعان بولاتىنبىز.