جەزقازعاندا ەسىرتكى تاسىمالداۋشى بولىپ جۇمىس ىستەگەن قىز ون جىلعا سوتتالدى

استانا. قازاقپارات - 2023 -جىلدىڭ تامىز ايىندا جەزقازعان قالاسىنىڭ 22 جاستاعى جۇمىسسىز تۇرعىنى ينتەرنەت ارقىلى بەلگىسىز بىرەۋمەن تانىسقان. ول بۇعان ەسىرتكى زاتتارىن ساقتاۋ ءۇشىن تاسىمالداۋشى بولۋدى ۇسىنعان. بۇل تۋرالى جوعارعى سوتتىڭ باسپا ءسوز قىزمەتى ءمالىم ەتتى.

قىزعا اقشا كەرەك بولعاندىقتان «كۋراتور» ۇسىنعان شارتقا كەلىسكەن. ونىڭ مىندەتتەرىنە ەسىرتكىنى قابىلداۋ، ولاردى وراۋ جانە ساقتاۋ، كەيىننەن ورىندالعان جۇمىستىڭ كولەمىنە قاراي اقى تولەۋ كىرگەن.

بەلگىسىز تۇلعامەن الدىن الا ءسوز بايلاسۋ بويىنشا ادامدار توبىندا ارەكەت ەتە وتىرىپ (ماتەريالدار جەكە وندىرىسكە بولىنگەن)، ول پاكەتتەردى گەولوكاتسيا بويىنشا الىپ، ولاردى بۋىپ-ءتۇيىپ، جەزقازعان قالاسىندا 60 پاكەتتى ساتىپ، ونىڭ تۇرعان جەرىن سۋرەتكە تۇسىرگەن. جەدەل ىزدەستىرۋ ءىس- شارالارى بارىسىندا ەسىرتكى تاسىمالداۋشى ۇستالىپ، اتالعان پاكەتتەر مەن تەلەفوندى قىزمەتكەرلەر تاركىلەگەن.

تەرگەۋ بارىسىندا «كەتپەۋ تۋرالى قولحاتپەن» ءجۇرىپ، ءوزى ءۇشىن ەش قورىتىندى جاساماي، «كەلۋ مىندەتتەمەسىن» ەسكەرمەي، ەسىرتكى تاسىمالداۋشى شاحتينسك قالاسىنا قاشىپ كەتىپ، قىلمىستىق ارەكەتىن ۇقساس سحەمامەن سول جەردە جالعاستىرعان. الايدا ول ۇستالىپ، ونىڭ تۇرعىلىقتى جەرىنەن ەسىرتكى زاتتارى، بۋىپ-تۇيۋگە جانە بۋما جاساۋعا ارنالعان قۇرىلعىلار تابىلدى.

قىزعا ەلەكتروندىق اقپاراتتىق رەسۋرستاردى پايدالانا وتىرىپ، ءبىر توپ ادامدار الدىن الا ءسوز بايلاسۋ ارقىلى اسا ءىرى مولشەردە پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز ساقتادى دەگەن ايىپ تاعىلدى (ق ك- ءنىڭ 297-بابىنىڭ 3-بولىگىنىڭ 1)، 2)، 3 )، 5) تارماقتارى). ونىڭ كىناسى كۋالاردىڭ ايعاقتارىمەن، ساراپشىلاردىڭ قورىتىندىلارىمەن، بەتبەلگىلەردىڭ فوتوسۋرەتتەرى تابىلعان تەلەفونداردى قاراۋمەن، كۋراتورمەن حات الماسۋمەن جانە باسقا دا ءىس ماتەريالدارىمەن دالەلدەندى.

سوت جازا تاعايىنداۋ كەزىندە مىنالاردى ەسكەردى:

- اسا اۋىر قىلمىس ساناتىنا جاتاتىن جانە قوعامدىق قاۋىپتىلىگى جوعارىلاتاتىن ءىس- ارەكەتتىڭ سيپاتى مەن قوعامدىق قاۋىپتىلىك دارەجەسى؛

- سوتتالۋشىنىڭ تۇلعاسى، ونىڭ مىنەز- قۇلقى؛

- تاعايىندالعان جازانىڭ سوتتالعان ادامنىڭ تۇزەلۋىنە جانە جاڭا قىلمىستاردىڭ الدىن الۋعا ىقپالى.

قىلمىستىق كودەكستىڭ 297-بابى 3-بولىگىنىڭ 1)، 2)، 3)، 5) تارماقتارىنىڭ سانكتسياسىندا مۇلكى تاركىلەنىپ، 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ كوزدەلگەن.

سوتتالۋشى 10 جىلعا باس بوستاندىعىنان ايىرىلدى. اپەللياتسيا ءىستىڭ بارلىق ءمان- جايىن زەردەلەي كەلە، ۇكىم زاڭدى جانە جاسالعان قىلمىسقا سايكەس دەپ تانىدى.

ۇكىم زاڭدى كۇشىنە ەندى.