جەزقازعان. KAZINFORM - «كيىك-2025» جەدەل الدىن-الۋ ءىس شاراسى اياسىندا ۇلىتاۋ وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى زاڭسىز ساقتالعان كيىك مۇيىزدەرىن انىقتادى.
جەدەل ءىس-شارالار بارىسىندا 53 جاستاعى ازاماتتان 322 كيىك ءمۇيىزى، سونداي-اق اتالعان جانۋاردىڭ ولەكسەلەرى تاركىلەندى.
ەر ادامنىڭ ايتۋىنشا، 2024-جىلدان باستاپ وسى ۋاقىتقا دەيىن ول دالا اۋماعىندا كيىك مۇيىزدەرىن جيناپ، كەيىننەن ساتۋ ماقساتىندا ءۇيىنىڭ شاتىرىندا ساقتاعان.
قازىرگى ۋاقىتتا اتالعان دەرەك بويىنشا كەشەندى تەرگەۋ ءىس-شارالارى جۇرگىزىلىپ جاتىر. وقيعانىڭ بارلىق ءمان-جايى جانە زاڭسىز ارەكەتتەرگە قاتىسى بار وزگە دە تۇلعالار انىقتالىپ جاتىر.
ايتا كەتەلىك قازاقستان كيىك ءمۇيىزىن ەكسپورتتايتىن بولدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.