استانا. KAZINFORM – اقپان ايىندا «بايتەرەك» ۇلتتىق باسقارۋشى حولدينگىنە رۋستام قاراعويشين ءتوراعا بولىپ تاعايىندالعان ەدى. بۇگىن ۇكىمەت وتىرىسىنان كەيىن جاڭا باسشى جينالىستاردى تەك قازاق تىلىندە وتكىزىپ جۇرگەنىن ايتتى، دەپ حابارلايدى newsroom.kz پورتالى Qaz365.kz-كە سىلتەمە جاساپ.
ۇكىمەت كۋلۋارىندا تىلشىلەردىڭ ءبىرى «بايتەرەكتە» بۇعان دەيىن مەكەمە ماماندارىنىڭ باسىم كوپشىلىگى ورىس ءتىلدى ماماندار بولاتىن. جيىندار ورىس تىلىندە وتەتىن. قازىر جاعداي وزگەردى مە؟» دەپ سۇرادى.
«بۇعان دەيىن اۋىل شارۋاشىلىق سالاسىندا جۇمىس ىستەدىم. اۋىل ادامدارىمەن كەزدەسىپ، وسىعان دەيىن تىلدەسىپ كەلدىك. قازاق بولعاننان كەيىن ءوزىمىزدىڭ ءتىلىمىزدى دامىتۋ كەرەك. سوندىقتان قازىرگى تاڭدا ءبىزدىڭ «بايتەرەك» مەكەمەسىنىڭ باسقارما وتىرىستارى قازاقشا وتەدى. ءبىز ەندى ءارىقاراي دا قازاق ءتىلىن دامىتۋعا تىرىسامىز. بىرەۋلەرگە «تەك قازاقشا سويلە» دەپ قىسىم كورسەتۋ جوق. ءبىرىنشى ءوزىمىز ۇلگى بولىپ، ارتىمىزدان ۇلەس قوسسىن دەگەن ماقساتتا قازاق تىلىندە سويلەيمىز»، - دەدى رۋستام قاراعويشين.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан