جىلى سۋ ءىشۋدىڭ 10 پايداسى
ءسىز جىلى سۋ دەنساۋلىقتىڭ كوزى ەكەنىن بىلەسىز بە؟ كۇندەلىكتى ومىردە كوپشىلىگىمىز سۋ ءىشۋ كەرەكتىگىن بىلەمىز، ءبىراق ونىڭ جىلى بولۋى اعزا ءۇشىن الدەقايدا پايدالى ەكەنىن ەسكەرە بەرمەيمىز. تاڭەرتەڭ اش قارىنعا ىشىلگەن ءبىر ستاقان جىلى سۋ اعزانى وياتىپ، كوپتەگەن جۇيەنىڭ دۇرىس جۇمىس ىستەۋىنە ىقپال ەتەدى. بۇل قاراپايىم ادەت ءومىر ساپاسىن جاقسارتۋعا كومەكتەسەدى.
1. اس قورىتۋ جۇيەسىن جاقسارتادى
جىلى سۋ اسقازانداعى تاعامدى وڭاي ەرىتىپ، اس قورىتۋدى تەزدەتەدى. اسىرەسە تاڭەرتەڭ اشقارىنعا ىشكەن سۋ ىشەكتىڭ قوزعالىسىن بەلسەندىرىپ، اسقازاندى جاڭا كۇنگە دايىندايدى.
2. اعزانى توكسيندەردەن تازارتادى
جىلى سۋ ىشكەندە اعزاداعى زياندى قالدىقتار، ياعني توكسيندەر تەرلەۋ جانە ءزار ارقىلى سىرتقا شىعادى. بۇل باۋىر مەن بۇيرەكتىڭ جۇمىسىن جەڭىلدەتىپ، جالپى ساۋلىقتى جاقسارتادى.
3. تەرىنى تازالاپ، جارقىراتادى
اعزا تازارعان سايىن تەرى دە جاقسارادى. بەزەۋ، قارا داقتار ازايىپ، تەرى تازا ءارى جۇمساق بولا تۇسەدى. سونىمەن قاتار، جىلى سۋ قان اينالىمىن جاقسارتىپ، تەرىگە تابيعي جارقىراۋ بەرەدى.
4. ارتىق سالماقتان ارىلۋعا كومەكتەسەدى
جىلى سۋ زات الماسۋدى جەدەلدەتىپ، مايدىڭ ىدىراۋىن تەزدەتەدى. ەگەر سۋعا ليمون نەمەسە بال قوسساڭىز - بۇل ارتىق سالماقپەن كۇرەستە ءتيىمدى قۇرال بولماق.
5. تۇماۋ مەن جوتەل كەزىندە كومەكتەسەدى
جىلى سۋ تاماقتاعى اۋىرسىنۋدى جەڭىلدەتىپ، مۇرىننىڭ بىتەلۋىن ازايتادى. جوتەل كەزىندە تاماقتى جۇمسارتىپ، قاقىرىقتى شىعارۋ پروتسەسىن جەڭىلدەتەدى.
6. بۇلشىق ەت پەن بۋىن اۋىرسىنۋىن جەڭىلدەتەدى
جىلى سۋ قان اينالىمىن جاقسارتادى. بۇل ءوز كەزەگىندە بۇلشىق ەتتەر مەن بۋىندارداعى اۋىرسىنۋدى ازايتىپ، دەنەنى بوساڭسىتادى.
7. ءىش قاتۋدىڭ الدىن الادى
اشقارىنعا جىلى سۋ ءىشۋ ىشەك جۇمىسىن بەلسەندىرەدى. بۇل ءىش قاتۋ ماسەلەسىنەن قۇتىلۋعا جانە ىشەكتىڭ تابيعي قوزعالىسىن قالپىنا كەلتىرۋگە كومەكتەسەدى.
8. سترەسستى ازايتادى
جىلى سۋ جۇيكە جۇيەسىنە جاعىمدى اسەر ەتەدى. ول دەنەنى تىنىشتاندىرىپ، كوڭىل كۇيدى تۇراقتاندىرۋعا كومەكتەسەدى. سترەستىك جاعدايلاردا جىلى سۋ ءىشىپ، ازداپ دەمالساڭىز، اسەرىن بايقايسىز.
9. قان اينالىمىن جاقسارتادى
جىلى سۋ تامىرلاردى كەڭەيتىپ، قاننىڭ ەركىن اينالۋىنا مۇمكىندىك بەرەدى. بۇل جۇرەككە تۇسەتىن كۇشتى ازايتىپ، قان قىسىمىن تۇراقتاندىرۋعا كومەكتەسەدى.
10. اۋىز قۋىسىن جانە تاماقتى تازارتادى
تاڭەرتەڭگى جىلى سۋ ىشكەندە اۋىز قۋىسىنداعى باكتەريالار شايىلىپ، تاماقتىڭ ساۋلىعى ارتادى. بۇل تىنىس جولدارىن دا تازارتىپ، جاعىمسىز يىستەن ارىلۋعا كومەكتەسەدى.