استانا. KAZINFORM - جۇتقا بايلانىستى جىلقى ەتى قىمباتتاي ما؟ بۇل سۇراققا اۋىل شارۋاشىلىعى ءمينيسترى ايداربەك ساپاروۆ جاۋاپ بەردى، دەپ حابارلايدى Baq. kz.
ۇكىمەت وتىرىسىنان سوڭ وتكەن بريفينگتە ب ا ق وكىلى مينيسترگە «بيىلعى جۇتقا بايلانىستى جىلقى ەتى قىمباتتاپ كەتۋى مۇمكىن بە؟» دەپ سۇراق قويدى.
جىلقى ەتى قىمباتتامايدى. سەبەبى، جىلقى شارۋاشىلىعى جاقسى دامىپ جاتىر. ەلىمىزدە 4 ميلليون باس جىلقى بار. سوندىقتان وسىعان بايلانىستى جىلقى ەتى قىمباتتامايدى، - دەدى ساپاروۆ.
بۇعان دەيىن ايداربەك ساپاروۆ ۇلىتاۋ وبلىسىندا 360 باس جىلقى قىرىلعانىنا قاتىستى تۇسىنىكتەمە بەردى.
سونىمەن قاتار پرەمەر-مينيستر ولجاس بەكتەنوۆ اۋىل شارۋاشىلىعى تەحنيكاسىنىڭ كوبى توزعانىن جانە ول ماسەلەنىڭ ءالى شەشىلمەي وتىرعانىن ايتقان ەدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан