جىلدىڭ ەستە قالعان ەلەۋلى سيفرلارى

2023-جىل اياقتالدى. جادىمىزدا قانداي ساندار قالدى؟ ءبىرىنشى كرەديت بيۋروسى جىلدىڭ ەلەۋلى سيفرلارىنا شولۋ جاسادى.

- قازاقستان حالقىنىڭ سانى 20 ميلليون بولدى.

- ۇلتتىق بانك بازالىق مولشەرلەمەنى 2020-جىلدان بەرى العاش رەت - قاتارىنان ءۇش رەت ازايتتى.

قازىرگى دەڭگەي - 15,75 پايىز.

- قاراشادا ينفلياتسيا 10,3 پايىز دەيىن تومەندەدى.

- 2023-جىلدىڭ سوڭىنا قاراي ەكونوميكالىق ءوسىم شامامەن 5 پايىز بولادى دەپ بولجاپ وتىر ۇكىمەت.

- كۇزدە تەڭگە ايتارلىقتاي السىرەدى، ءبىراق جىل سوڭىنا قاراي ول جاعىمدى دەڭگەيگە قايتا ورالدى.

ۇلتتىق بانك 1- قاڭتارعا بەلگىلەگەن دوللار باعامى - 454,56 تەڭگە، ەۋرو قۇنى - 502,24 تەڭگە.

- بيىلعى 10 ايدا ەكسپورت وتكەن جىلمەن سالىستىرعاندا تومەن بولدى، ءبىراق قازان ايىندا جاعداي جاقسارا باستادى. شەتەلگە جەتكىزىلگەن تاۋار كولەمى 6,9 ميلليارد دوللاردى قۇرادى، بۇل قىركۇيەكپەن سالىستىرعاندا 9,5 پايىز جوعارى.

- جىل كولىك ونەركاسىبى ءۇشىن تابىستى بولدى، قاڭتار-قاراشادا جەڭىل اۆتوموبيل ءوندىرىسى وتكەن جىلمەن سالىستىرعاندا 37,6 پايىز جوعارى بولدى.

- استانا مەن الماتىدا تۇرعىن ۇيلەر قارقىندى تۇردە پايدالانۋعا بەرىلدى.

ەلوردادا 11 ايداعى جاڭا پاتەر سانى 2023-جىلمەن سالىستىرعاندا 77 پايىزعا، وڭتۇستىك مەگاپوليستە 52 پايىزعا ءوستى.