جىلدار بويى شەتەلدە قاشىپ جۇرگەن 3 قىلمىسكەر ەلگە قايتارىلىپ، سوتتالدى
استانا. KAZINFORM - باس پروكۋراتۋرا حالىقارالىق ىزدەۋدەگى 3 ادامدى تاۋىپ، سوتتالۋىنا مۇرىندىق بولدى.
پروكۋراتۋرا ورگاندارىنىڭ باعىتتارىنىڭ ءبىرى حالىقارالىق-قۇقىقتىق ىنتىماقتاستىق سالاسى بولىپ تابىلادى.
2023-جىلدىڭ قاڭتار ايىنان باستاپ بۇگىنگى كۇنگە دەيىن ەلوردادا قىلمىستىق قۇقىقبۇزۋشىلىق جاساعان 8 قىلمىسكەر ەكستراديتسيالاندى.
قازىرگى تاڭدا ەكستراديتسيالانعانداردىڭ ۇشەۋى سوتتالدى.
Telegram قوسىمشاسىن پايدالانۋ ارقىلى «مەفەدرون» پسيحوتروپتىق زاتىن ءىرى كولەمدە زاڭسىز ساتقانى ءۇشىن ىزدەۋدەگى قىلمىسكەر 10 -جىلعا باس بوستاندىعىنان ايىرىلدى.
ول 2 جىل بويى ىزدەۋدە بولعان.
ەكىنشى ايىپتالۋشى قارجىلىق پيراميدا قۇرىپ، وعان ازاماتتاردان زاڭسىز ۇلەستىك جارنا العانى ءۇشىن 6 جىلعا باس بوستاندىعىنان ايىرىلدى.
كەلگەن شىعىن - 85 ميلليون تەڭگەدەن استام.
ءۇشىنشى قىلمىسكەر اسا ءىرى مولشەردە بوتەن مۇلىكتى تالان-تاراجعا سالعانى ءۇشىن 7 جىلعا سوتتالدى.
ەلوردا پروكۋراتۋراسى حالىقارالىق- قۇقىقتىق ىنتىماقتاستىق سالاسىندا قۇقىق قورعاۋ جانە مەملەكەتتىك ورگانداردى تۇراقتى نەگىزدە ۇيلەستىرەدى.