قاتىسۋشىلارعا جەڭىل ونەركاسىپتى دامىتۋدىڭ 2026-2030 -جىلدارعا ارنالعان كەشەندى جوسپارىنىڭ نەگىزگى ەرەجەلەرى تانىستىرىلدى. ونەركاسىپ ۆيسە- ءمينيسترى ولجاس ساپاربەكوۆ اتاپ وتكەندەي، قۇجات زاڭناما، ساتىپ الۋ تەتىگىن جەتىلدىرۋ، «كولەڭكەلى» يمپورتقا قارسى ءىس-قيمىل، ينۆەستيتسيا تارتۋ، وتاندىق برەندتى دامىتۋ مەن كادر دايارلاۋعا ارنالعان 28 ءىس-شارانى قامتيدى.
ورتامەرزىمدى شارالار وندىرۋشىلەردى شيكىزاتپەن قامتاماسىز ەتۋ، وتكىزۋ نارىعىن كەڭەيتۋ جانە مەملەكەتتىك ساتىپ الۋ كەزىندە تەڭ باسەكەلەستىك جاعداي جاساۋدى كوزدەيدى. ۇزاقمەرزىمدى پەرسپەكتيۆادا ءوندىرىستى جەرگىلىكتەندىرۋ مەن نارىقتىڭ اشىقتىعىن ارتتىرۋعا باسا نازار اۋدارىلادى. اتاپ ايتقاندا، «ۆيرتۋالدى قويمالار» مەحانيزمىن جانە ەلەكتروندىق شوت-فاكتۋرانى پايدالانا وتىرىپ، شيكىزات پەن ءونىمدى تولىق قاداعالاۋ جۇيەسىن ەنگىزۋ پىسىقتالىپ جاتىر.
- نەگىزگى قۇرالدىڭ ءبىرى - ءوندىرىس كولەمىن ارتتىرۋ، جەرگىلىكتەندىرۋ، جۇمىس ورنىن اشۋ جانە قىزمەتكەرلەردىڭ بىلىكتىلىگىن ارتتىرۋ بويىنشا بيزنەستىڭ قارسى مىندەتتەمەلەرىن كوزدەيتىن سالا كاسىپورىندارىمەن جەرگىلىكتەندىرۋدى ارتتىرۋ كەلىسىمىن ەنگىزۋ. ونىڭ ەسەسىنە كاسىپورىندار جەڭىلدەتىلگەن قارجىلاندىرۋ، جابدىق ليزينگى، ارنايى ينۆەستيتسيالىق كەلىسىمشارت پەن ۇزاقمەرزىمدى ساتىپ الۋ شارتىن قوسقاندا، كەشەندى مەملەكەتتىك قولداۋ شارالارىنا سەنە الادى، - دەلىنگەن حابارلامادا.
ساۋدا جانە ينتەگراتسيا مينيسترلىگىنىڭ مالىمەتى بويىنشا، ەلىمىزدەگى وتاندىق وندىرۋشىلەردىڭ باسىم بولىگى جەڭىل ونەركاسىپ جانە اۋىل شارۋاشىلىعىندا شوعىرلانعان. بۇگىنگى تاڭدا وتاندىق ونىمگە سۇرانىستىڭ نەگىزگى درايۆەرى مەملەكەتتىك جانە كۆازيمەملەكەتتىك سەكتور بولىپ قالا بەرەدى. سونىمەن قاتار سالادا سىرتقى ساۋداداعى يمپورت ءالى دە ەداۋىر باسىم. بۇل وتاندىق ءوندىرىستى ودان ءارى دامىتۋدىڭ ايتارلىقتاي الەۋەتىن كورسەتەدى.
- بۇگىندە قازاقستاندىق وندىرۋشىلەردى قولداۋ شارالارى دا ۇسىنىلىپ وتىر. وتاندىق تاۋارلار ءۇشىن سورە كەڭىستىگىنىڭ كەمىندە 0- ى، مەملەكەتتىك قولداۋ بار ساۋدا نىساندارى ءۇشىن كەمىندە P ءبولۋ تۋرالى نورما زاڭنامالىق تۇردە بەكىتىلگەن. ساۋدا جەلىلەرىنىڭ جەتكىزۋ شارتىن جاساۋدان نەگىزسىز باس تارتۋى مەن جالداۋ اقىسىن اسىرۋ جاعدايى شەكتەلدى. سونىمەن قاتار پرەمەر-ءمينيستردىڭ تاپسىرماسىمەن، ساۋدا جانە ينتەگراتسيا مينيسترلىگى «قازاقستاندا جاسالعان» برەندى بويىنشا ءونىمدى قولداۋ مەن جىلجىتۋدىڭ كەشەندى باعدارلاماسىن ازىرلەپ جاتىر، - دەپ حابارلادى ۇكىمەتتەن.
جيىن بارىسىندا «اتامەكەن» ۇ ك پ «دامۋ» كاسىپكەرلىكتى دامىتۋ قورىمەن بىرگە قاتىسۋشىلارعا جەڭىل ونەركاسىپتى دامىتۋعا باسا نازار اۋدارا وتىرىپ، Ulttyq Ónim وتاندىق وندىرۋشىلەرىنىڭ X كورمەسىن وتكىزۋ جونىندە ۇسىنىس جاسادى. ىسكەرلىك باعدارلامانى سالالىق پلەنارلىق سەسسيا، ماركەتپلەيستەر مەن بولشەك ساۋدا ارقىلى ساتۋدى دامىتۋ بويىنشا دوڭگەلەك ۇستەلدەر، تاجىريبەلىك ماستەر-كلاستار، ەكسپورت جانە لوگيستيكا بويىنشا كونسۋلتاتسيالار، سونداي-اق Fashion Day جانە «قازاقستاننىڭ جەڭىل ونەركاسىبىنىڭ ۇزدىك برەندى» كونكۋرسىن وتكىزۋ ەسەبىنەن كەڭەيتۋ ۇسىنىلادى. كورمە وتاندىق وندىرۋشىلەردى ىلگەرىلەتۋ، بيزنەس، ساۋدا جەلىلەرى مەن ماركەتپلەيستەر اراسىنداعى كووپەراتسيانى دامىتۋ الاڭىنا اينالىپ، قازاقستاندىق ءونىمدى تانىمال ەتۋگە ىقپال ەتپەك.
«QazTextileIndustry» ءو ر ۇ باسقارما ءتوراعاسى گۇلميرا ۋاحيتوۆا مەملەكەتتىك ساتىپ الۋعا قاتىسۋ ءۇشىن ءونىمدى سەرتيفيكاتتاۋدىڭ قۇنى جوعارى ەكەنىن ماسەلە رەتىندە كوتەردى. سونداي-اق لوكاليزاتسيالاۋ دەڭگەيى جوعارى، نەگىزىنەن ارنايى فورمانى جاپپاي وندىرۋگە ماماندانعان كاسىپورىندار مەن ءوز برەندتەرىن دامىتىپ جاتقان وندىرۋشىلەرگە ارنالعان مەملەكەتتىك قولداۋ شارالارىن سارالاپ قولدانۋدى ۇسىندى.
سەرىك جۇمانعارين سەرتيفيكاتتاۋ ءونىمنىڭ ساپاسى مەن قاۋىپسىزدىگىن قامتاماسىز ەتۋدىڭ قاجەتتى قۇرالى بولىپ قالا بەرەتىنىن اتاپ ءوتتى. سونداي-اق ساۋدا جانە ينتەگراتسيا مينيسترلىگىنە سەرتيفيكاتتاۋ قۇنىن تومەندەتۋ، ارنايى ينۆەستيتسيالىق كەلىسىمشارت بويىنشا جۇمىس ىستەيتىن كاسىپورىنداردىڭ سەرتيفيكاتتار مەن جەكەلەگەن جەڭىلدىكتەردى قولدانۋ مەرزىمىن ۇلعايتۋ مۇمكىندىگىن پىسىقتاۋدى تاپسىردى.
جەڭىل ونەركاسىپ كاسىپورىندارى قاۋىمداستىعىنىڭ پرەزيدەنتى سالتانات ابدىكارىموۆا مەملەكەتتىك ساتىپ الۋعا قويىلاتىن تالاپتى جەتىلدىرۋ مەن وتاندىق وندىرۋشىلەر ءۇشىن ۇلگىلىك تەحنيكالىق ەرەكشەلىك ازىرلەۋ قاجەتتىگىنە نازار اۋداردى.
«پو گلوبال سپەتسودەجدا» فابريكاسىنىڭ ديرەكتورى نادەجدا شابايەۆا مەملەكەتتىك ساتىپ الۋ كەزىندە كاسىپورىننىڭ جۇمىس ورنىن اشعا قوسقان ۇلەسىن، ءوندىرىستى جەرگىلىكتەندىرۋ دەڭگەيىن جانە جاڭعىرتۋعا سالعان ينۆەستيتسيانى ەسكەرۋدى، سونداي-اق ادال وتاندىق وندىرۋشىلەرمەن ۇزاقمەرزىمدى كەلىسىمشارت جاساۋ تاجىريبەسىن ارتتىرۋدى ۇسىندى.
قاتىسۋشىلار مەكتەپ فورماسىن شىعارۋ ماسەلەسىن دە تالقىلادى. كەزدەسۋ سوڭىندا سالالىق مەملەكەتتىك ورگاندارعا ءونىم ساپاسىنا قويىلاتىن تالاپ پەن مەملەكەتتىك قولداۋ تەتىگىن جەتىلدىرۋدى قوسقاندا، بيزنەستىڭ ۇسىنىستارىن پىسىقتاۋ تاپسىرىلدى.
سەرىك جۇمانعارين اتاپ وتكەندەي، ۇلتتىق ەكونوميكا مينيسترلىگى ءۇشىن جەڭىل ونەركاسىپتى دامىتۋ ەڭ الدىمەن جۇمىس ورنىن اشۋ مەن وتاندىق ءوندىرىستى دامىتۋ تۇرعىسىنان ەرەكشە ماڭىزعا يە.
— كەشەندى جوسپار ءورشىل مىندەت قويىپ وتىر. 2030 -جىلعا قاراي شيكىزاتتى قايتا وڭدەۋ كولەمىن 1,5-2 ەسە ارتتىرۋ، 40 مىڭعا جۋىق جۇمىس ورنىن اشۋ جانە 35 ينۆەستيتسيالىق جوبانى جۇزەگە اسىرۋ مىندەتى تۇر. مەملەكەت جەرگىلىكتەندىرۋدى ارتتىراتىن جانە ءوندىرىستى دامىتاتىن كاسىپورىنداردى قولداۋعا دايىن. بۇل رەتتە كەشەندى جوسپار يكەمدى قۇجات بولىپ قالا بەرەدى، قاجەت بولعان جاعدايدا، ونى جۇزەگە اسىرۋ تاجىريبەسى ەسكەرىلە وتىرىپ، پىسىقتالادى، — دەپ اتاپ ءوتتى سەرىك جۇمانعارين.
ايتا كەتەيىك، بۇعان دەيىن سەرىك جۇمانعاريننىڭ توراعالىعىمەن ەكونوميكالىق ءوسۋدى قامتاماسىز ەتۋ جونىندەگى شتابتىڭ كەزەكتى وتىرىسى وتكەن بولاتىن.