جىل باسىنان بەرى قازاقستاندا 23 اۋرۋ ءتۇرى مۇلدە تىركەلگەن جوق

استانا. KAZINFORM - بيىلعى 6 ايدا حالىق اراسىندا 23 اۋرۋ ءتۇرى - نوزولوگيا، ونىڭ ىشىندە تىرىسقاق، كۇيدىرگى، ءىش سۇزەگى، سىرەسپە، ديفتەريا، قۇتىرۋ دەرتتەرى تىركەلگەن جوق. بۇل تۋرالى ق ر د س م سانيتاريالىق- ەپيدەميولوگيالىق باقىلاۋ كوميتەتى ءتوراعاسىنىڭ ورىنباسارى زاۋرە احمەتوۆا حابارلادى.

ونىڭ مالىمەتىنشە، وتكەن جىلدىڭ سايكەس كەزەڭىمەن سالىستىرعاندا 26 ينفەكتسيالىق اۋرۋمەن سىرقاتتانۋ تومەندەدى. ونىڭ ىشىندە برۋتسەللەز ' عا، سالمونەللەز -  عا، ءسىرلى مەنينگيت - 2,5 ەسەگە تومەندەدى.

«جاز كەزەڭى كەنەلەردىڭ جاندانۋىنا بايلانىستى اۋرۋدىڭ وسۋىمەن سيپاتتالادى. رەسپۋبليكانىڭ 4 وڭىرىندە - جامبىل، قىزىلوردا، تۇركىستان وبلىستارى مەن شىمكەنت قالاسىنىڭ اۋماعىندا كونگو-قىرىم گەمورراگيالىق قىزباسىنىڭ تابيعي وشاقتارى بار. جىل سايىن وڭىرلەردىڭ اكىمدىكتەرى مەن اۋماقتىق سانيتارلىق- ەپيدەميولوگيالىق قاداعالاۋ دەپارتامەنتتەرى كونگو-قىرىم گەمورراگيالىق قىزباسىمەن (ك ق گ ق) سىرقاتتانۋدىڭ الدىن الۋ ماقساتىندا كوكتەمدە كەنەگە قارسى ءىس-شارالار وتكىزەدى. كقگق بويىنشا قولايسىز ەلدى مەكەندەردىڭ اينالاسىندا سانيتاريالىق- قورعاۋ ايماقتارى، بۋفەرلىك ايماقتار قۇرىلادى، اۋىل شارۋاشىلىعى جانۋارلارىن كەنەگە قارسى وڭدەۋ جانە مال قورالارىن وڭدەۋ جۇرگىزىلەدى.

سوڭعى 6 ايدىڭ قورىتىندىسى بويىنشا وتكەن جىلمەن سالىستىرعاندا تۇرعىنداردىڭ كونگو-قىرىم گەمورراگيالىق قىزباسىمەن سىرقاتتانۋى C  عا تومەندەگەنى بايقالادى»، - دەدى ق ر د س م سانيتاريالىق-ەپيدەميولوگيالىق باقىلاۋ كوميتەتى ءتوراعاسى.

بيىلعى ءساۋىر ايىنان باستاپ كونگو-قىرىم گەمورراگيالىق قىزباسىنىڭ 16 جاعدايى تىركەلدى، ونىڭ ىشىندە 7 جاعداي تۇركىستان، قىزىلوردا وبلىستارىندا جانە 2 جاعداي شىمكەنت قالاسىندا بولعان.

«10 جاعدايدا ناۋقاس ادامدار مال باعۋعا قاتىسقان، 5 جاعدايدا ناۋقاستاردى كەنە شاققان، 1 جاعدايدا ناۋقاس ەندەميالىق ايماقتا تابيعاتقا شىققان. بيىل 2 ادام اۋرۋدان قايتىس بولدى، 8 ناۋقاس ەمدەلىپ جاتىر، قالعان ناۋقاستار ساۋىعىپ شىقتى، بايلانىستا بولعان 115 ادام مەديتسينالىق باقىلاۋدا»، - دەدى ز. احمەتوۆا.

اۆتور
ەربول جانات