جىل باسىنان بەرى ەلىمىزدە قانشا بالا دۇنيەگە كەلدى

استانا. قازاقپارات - دەنساۋلىق ساقتاۋ مينيسترلىگىنىڭ اپپاراتتىق كەڭەسىندە 2024 -جىلدىڭ ءبىرىنشى جارتىجىلدىعىنداعى بالالار سكرينينگىنىڭ قورىتىندىلارى قارالدى، دەپ حابارلايدى BAQ. KZ.

اعىمداعى جىلدىڭ العاشقى التى ايىندا ەلىمىزدە 182560 بالا دۇنيەگە كەلدى، ونىڭ � ى نەوناتالدىق سكرينينگپەن قامتىلدى.

دەنە سالماعى 2500 گرامنان از 9075 جاڭا تۋعان نارەستەنىڭ � ى وفتالمولوگيالىق سكرينينگتەن ءوتتى. مەديتسينالىق كورسەتىلىمدەر بويىنشا العاشقى 48 ساعاتتىڭ ىشىندە 240 بالاعا حيرۋرگيالىق ەمدەۋ جۇرگىزىلدى. ەستۋ قابىلەتىنىڭ وتكىزگىشتىك جانە نەيروسەنسورلىق جوعالۋىن انىقتاۋعا باعىتتالعان اۋديولوگيالىق سكرينينگپەن 169 مىڭ جاڭا تۋعان نارەستە قامتىلدى.

كەڭەس بارىسىندا بالالار سكرينينگتەرىن جۇرگىزۋدىڭ تيىمدىلىگىن تومەندەتەتىن پروبلەمالار ايتىلدى. ماسەلەن، الماتى قالاسىندا بالالار سكرينينگىن جۇرگىزۋدىڭ ءالسىز باقىلانۋى، مونيتورينگ پەن تالداۋدىڭ بولماۋى، سونداي-اق بوساندىرۋ جانە بالالار ۇيىمدارىنىڭ جەتكىلىكسىز جاراقتاندىرىلۋى اتاپ ءوتىلدى. الماتى جانە ماڭعىستاۋ وبلىستارىندا جابدىقتارمەن جاراقتاندىرۋدىڭ جەتكىلىكسىزدىگى، سكرينينگپەن قامتۋدىڭ تومەندىگى جانە ناتيجەلەردى باقىلاۋ مەن تالداۋدىڭ بولماۋى بايقالادى. اتىراۋ، الماتى جانە اقمولا وبلىستارىندا ينۆازيۆتى دياگنوستيكا ادىستەرى ەنگىزىلمەگەن جانە جۇرگىزىلمەيدى.

سونىمەن قاتار، بۇكىل ەلدە جۇكتى ايەلدەردىڭ اعىمداعى جىلى ەرتە دياگنوستيكامەن قامتىلۋىنىڭ، اسىرەسە جۇكتىلىكتىڭ 12 اپتاسىنا دەيىن ۋلترادىبىستىق جانە بيوحيميالىق سكرينينگكە قاتىستى تومەندەۋى بپيقالادى.

دەنساۋلىق ساقتاۋ ءمينيسترى جۇكتى ايەلدەردى ەرتە دياگنوستيكالاۋ كورسەتكىشتەرىن جاقسارتۋدىڭ جانە بوسانعانعا دەيىنگى كەزەڭدەگى سكرينينگتىك تاسىلدەردى جەتىلدىرۋدىڭ ماڭىزدىلىعىن اتاپ ءوتتى.

بولاشاق ۇرپاقتىڭ دەنساۋلىعى جۇكتى بولعانعا دەيىن باستالادى. جاڭا تۋعان نارەستەلەردەگى گەنەتيكالىق بۇزىلۋلاردىڭ قاۋپىن ازايتۋ جانە بالالارىمىزدىڭ سالاماتتى بولاشاعىن قامتاماسىز ەتۋ ءۇشىن ەرتە دياگنوستيكا مەن سكرينينگتى جاقسارتۋ ماڭىزدى، - دەپ اتاپ ءوتتى مينيستر اقمارال ءالنازاروۆا.

كەڭەس قورىتىندىسى بويىنشا ۆەدومستۆو باسشىسى بالالاردىڭ اراسىندا اۋرۋلاردى بولجاۋ جۇيەسىنىڭ تيىمدىلىگىن ارتتىرۋ ءۇشىن سكرينينگتەرگە بىلىكتى پرەناتولوگتاردى تارتۋدى قامتاماسىز ەتۋدى، سونداي-اق بوساندىرۋ جانە بالالىق شاق ۇيىمدارىن جابدىقتارمەن جاراقتاندىرۋ ماسەلەسىن شەشۋدى تاپسىردى.

دەنساۋلىق ساقتاۋ مينيسترلىگى مەديتسينالىق كومەكتىڭ جوعارى دەڭگەيىن قامتاماسىز ەتۋ جانە بولاشاق ۇرپاقتىڭ دەنساۋلىعىن ساقتاۋ ءۇشىن بالالار دەنساۋلىعىنىڭ سكرينينگى مەن مونيتورينگى جۇيەسىن جاقسارتۋ بويىنشا جۇمىستى جالعاستىرادى.