جىل باسىنان بەرى بالقاش كولىنىڭ دەڭگەيى 32 س م- گە كوتەرىلدى

استانا. قازاقپارات - 2025 -جىلدىڭ ءبىرىنشى جارتىسىندا بالقاش كولىنىڭ دەڭگەيى ورتا ەسەپپەن 32 س م- گە كوتەرىلدى، دەپ حابارلايدى سۋ رەسۋرستارى جانە يرريگاتسيا مينيسترلىگى.

ناقتىراق ايتقاندا، بالتىق جۇيەسى بويىنشا 341,55 مەتردەن 341,87 مەترگە دەيىن. جىل باسىنان بۇگىنگە دەيىن الماتى وبلىسىنداعى قاپشاعاي سۋ قويماسىنان بالقاش كولىنە 8,52 ميلليارد تەكشە مەتر سۋ جىبەرىلدى. بىلتىر وسى كەزەڭدە بۇل كورسەتكىش 8 ميلليارد تەكشە مەتر بولعان. بيىل قاپشاعاي سۋ قويماسىنان كولگە جالپى كولەمى 12 ميلليارد تەكشە مەتر سۋ جىبەرۋ جوسپارلانىپ وتىر.

بالقاشتاعى سۋ كولەمى نەگىزىنەن ترانسشەكارالىق ىلە وزەنىنە بايلانىستى، ال ونىڭ اعىسىن قاپشاعاي سۋ قويماسى رەتتەپ وتىرادى. بيىل سۋ قويماسى قاتارىنان ەكىنشى جىل 0 تولدى. بىلتىر بۇل نىسان سوڭعى 10 جىلدا العاش رەت 0 تولعانىن ەسكە سالا كەتەيىك. قاپشاعاي سۋ قويماسىنىڭ تولۋى الماتى وبلىسىنداعى اقدالا مەن شەڭگەلدى سۋارمالى القاپتارىن ۆەگەتاتسيالىق كەزەڭدە سۋمەن تولىق قامتاماسىز ەتۋگە مۇمكىندىك بەردى.

- بالقاشتى ساقتاۋ ماسەلەسىنە ەرەكشە كوڭىل ءبولىنىپ وتىر. بيىل فرانسۋز عىلىمي كونسورتسيۋمىمەن بىرلەسىپ ۇيىمداستىرىلعان كول باسسەينىن زەرتتەۋ ماقساتىندا اۋقىمدى دالالىق ەكسپەديتسيا وتكەن بولاتىن. فرانسۋز ساراپشىلارىمەن بىرلەسىپ جۇرگىزىلىپ جاتقان جۇمىس 2040 -جىلعا دەيىنگى بولجاممەن بالقاش كولىن ساقتاۋ بويىنشا ماستەر- جوسپار ازىرلەۋگە باعىتتالعان. بۇل - بىلتىر فرانتسيانىڭ دامۋ اگەنتتىگى جانە گەولوگيالىق جانە تاۋ-كەن زەرتتەۋلەرى بيۋروسىمەن بىرگە قول قويعان ءۇشجاقتى كەلىسىم اياسىنداعى جۇمىس، - دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.

بۇدان بۇرىن مەملەكەت باسشىسى قاسىم-جومارت توقايەۆ اقوردادا سۋ شارۋاشىلىعى قىزمەتكەرلەرىن مەملەكەتتىك ناگرادالارمەن ماراپاتتاۋ راسىمىندە كاسپي تەڭىزىن، بالقاش كولىن، باسقا دا سۋ كوزدەرىن ساقتاپ قالۋ ماسەلەلەرىنە توقتالدى.