استانا. KAZINFORM - جىل باسىنان بەرى ەلدەگى 1,3 مىڭ كاسىپكەر جاسوسپىرىمدەردى تۇنگى وينى-ساۋىق ورنىنا كىرگىزگەنى ءۇشىن اكىمشىلىك جاۋاپقا تارتىلعان. پرەمەر-ءمينيستردىڭ ورىنباسارى ەرمەك كوشەربايەۆ ءماجىلىس دەپۋتاتىنىڭ ساۋالىنا جولداعان جاۋاپتاپ وسىنداي دەرەك كەلتىرگەن.
- قۇقىق بۇزۋ فاكتىلەرىنىڭ الدىن الۋ ءۇشىن اي سايىن «جاس ءوسپىرىم»، «قاۋىپسىز بالالىق شاق»، «تۇنگى قالاداعى بالالار»، «ابايلاڭىز- بالالار!» اكسيالارى سياقتى جەدەل-پروفيلاكتيكالىق شارالارى ۇيىمداستىرىلادى. اتقارىلعان شارالار اياسىندا بيىل 3 مىڭنان استام قاراۋسىز قالعان جاسوسپىرىمدەر بەيىمدەۋ ورتالىقتارىنا جەتكىزىلدى، تۇنگى ۋاقىتتا ويىن-ساۋىق ورىندارىندا زاڭدى وكىلدەرسىز بولعانى ءۇشىن 63 مىڭنان استام اتا-انا، 1,3 مىڭعا جۋىق كاسىپكەر، 12 مىڭنان استام اتا-انا مىندەتتەرىن تيىسىنشە ورىنداماعانى ءۇشىن جاۋاپكەرشىلىككە تارتىلدى، - دەپ جازادى ەرمەك كوشەربايەۆ.
ەسكە سالساق، وتكەن اپتادا ماڭعىستاۋدىڭ قۇرىق اۋىلىندا توپقا ءبولىنىپ توبەلەسكەن جاسوسپىرىمدەر ۇستالعان ەدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан