جىل باسىنان بەرى 37,7 مىڭ قازاقستاندىق باكنروت دەپ تانىلعان
استانا. KAZINFORM - ورتالىق كوممۋنيكاتسيالار قىزمەتىندە جەكە تۇلعالاردى بانكروت دەپ تانۋ قىزمەتىنە جۇگىنگەندەردىڭ ستاتيستيكاسى ءمالىم بولدى.
مەملەكەتتىك كىرىستەر كوميتەتى ءتوراعاسىنىڭ ورىنباسارى سەيىلجان احمەتوۆتىڭ ايتۋىنشا، سوتتان تىس بانكروتتىق راسىمدەۋ قىزمەتىنە سۇرانىس جوعارى.
- 2023 -جىلى بانكروتتىققا تاپسىرعان ازاماتتاردىڭ وتىنىشتەر سانى 77380 بولسا، 2024 -جىلى – 83057، ال 2025 -جىلدىڭ 3 ايىندا 37746 بولدى. ازاماتتار اراسىندا سوتتان تىس بانكروتتىق ءراسىمى ەڭ كوپ سۇرانىسقا يە بولىپ قالا بەرمەك. ويتكەنى بۇل ءتاسىل بورىشكەردى بانكتەر مەن ميكروقارجى ۇيىمدارىنىڭ، كوللەكتورلىق اگەنتتىكتەردىڭ الدىنداعى مىندەتتەمەدەن بوساتادى. اتالعان ءراسىم شەڭبەرىندە 2023 -جىلى 8255, 2024 -جىلى 11533, 2025 -جىلدىڭ 3 ايىندا 2366 ازامات بانكروت دەپ تانىلدى، - دەدى سەيىلجان احمەتوۆ.
ءتۇرلى سەبەپتەرمەن بانكروتتىق راسىمنەن ورتا جولدا باس تارتاتىنداردىڭ سانى ازايعان. 2023 -جىلى باس تارتۋ سانى 62738 بولسا، 2024 -جىلى - 59792-عا تۇسكەن.
- سوت ارقىلى بانكروت دەپ تانىلعانداردىڭ سانى دا ءوستى. ماسەلەن، 2023 -جىلى تەك 1 ازامات بانكروت دەپ تانىلسا، 2024 -جىلى – 135، 2025 -جىلدىڭ باسىنان 23 ادام سوت شەشىمىمەن بانكروت دەپ تانىلدى، - دەدى كوميتەت باسشىسىنىڭ ورىنباسارى.
بۇعان دەيىن اتىراۋ وبلىسىندا جىل باسىنان بەرى 252 دارمەنسىز بورىشكەر بانكروت دەپ تانىلعانىن جازعان ەدىك.
اۆتور
ەسىمجان ناقتىباي