استانا. KAZINFORM - بيىل 102 بالا اشىق تەرەزەلەردەن قۇلاپ زارداپ شەكتى. بۇل جايىندا توتەنشە جاعداي مينيسترلىگىنەن حابارلاندى.
قازاقستاندا جىل سايىن كۇن جىلىنا باستاعاندا، سونداي-اق جازعى دەمالىس كەزىندە بالالاردىڭ تەرەزەدەن قۇلاۋى جيىلەپ، جازاتايىم وقيعالار كوبەيەدى.
مۇنداي فاكتىلەر تىركەلگەن كەزدە بالالار اۋىر جاراقات الىپ، مۇگەدەك بولىپ قالادى نەمەسە كوز جۇماتىنىن اتاپ وتكەن ءجون.
جىل باسىنان بەرى 112 شۇعىل ارەكەت ەتۋ قىزمەتىنىڭ كەزەكشى پۋلتىنە 102 حابار ءتۇستى.
اپات سالدارىنان جەتى ادام قايتىس بولدى، قالعان 95 ى ءارتۇرلى جاراقاتپەن اۋرۋحاناعا جاتقىزىلدى.
وتكەن جىلى وسىنداي 170 وقيعا تىركەلگەن.
قازاقستان ت ج م قاۋىپسىزدىك ەرەجەلەرىن ەسكە سالادى.
اۆتور
جانات قاپالبايەۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан