جىل اياعىنا دەيىن استاناداعى كولىك اعىنىن جاساندى ينتەللەكت ارقىلى رەتتەيتىن جۇيە ازىرلەنەدى

استانا. KAZINFORM - استانا كوشەلەرىندە كۇن سايىن 550-600 مىڭ كولىك قاتىنايدى. پرەمەر-مينيستر ولجاس بەكتەنوۆتىڭ ءماجىلىس دەپۋتاتىنىڭ ساۋالىنا جولداعان جاۋابىندا وسىنداي دەرەك ايتىلعان.

- قازىرگى جاعداي بويىنشا قالانىڭ جول- كوشە جەلىسىنە كۇن سايىن شىعاتىن اۆتوكولىك سانى 550-600 مىڭداي. كولىك اعىنىنىڭ بارىنشا ۇدەمەلى قوزعالىسى ماگىلىك ەل، قابانباي باتىر، تۇرعان داڭعىلدارى مەن سارايشىق، قونايەۆ كوشەلەرىندە تىركەلىپ وتىر. قازىر كولىك كەپتەلىستەرىن كەشەندى تۇرعىدا شەشۋ ءۇشىن قالانىڭ ەسىل اۋدانى بويىنشا دەرەكتەر جيناستىرىلىپ جاتىر، - دەپ جازىلعان جاۋاپتا.

وسى دەرەكتەر نەگىزىندە كولىك اعىنىن جاساندى ينتەللەكت كومەگىمەن رەتتەيتىن مودەل دايىندالماق.

- استانا قالاسىنىڭ ەلەكتروندى كولىك مودەلى قابىلداناتىن كولىك شەشىمدەرىنىڭ نەگىزدىلىگىن ۇلكەن دەرەكتەردى تالداپ، ترافيكتى بولجاۋ ارقىلى ارتتىرۋعا مۇمكىندىك بەرەدى. جۇيەنى ازىرلەۋ جۇمىستارىن جىل سوڭىنا دەيىن اياقتاۋ جوسپارلانعان. ول جۇمىستاردا ەۋرازيا دامۋ بانكىنىڭ گرانتى ەسەبىنەن جۇرگىزىلىپ جاتىر، - دەپ جازادى ولجاس بەكتەنوۆ.

ال الماتىدا كەپتەلىستى رەتتەيتىن جول قوزعالىسىن ۇيىمداستىرۋ ورتالىعى 2027 -جىلدىڭ اياعىنا دەيىن ىسكە قوسىلماق.