الايدا جارىستان كەيىن سپورتشىنىڭ جارىس جولىندا پايدالانعان اياق كيىمىنە قاتىستى نارازىلىق (پروتەست) بەرىلدى. اتالعان جاعداي اياسىندا فەدەراتسيا سپورتشىنىڭ قۇقىقتارى مەن مۇددەسىن قورعاۋدى جالعاستىرادى. قازىرگى ۋاقىتتا قابىلدانعان شەشىمگە قاتىستى فەدەراتسيا اتىنان نارازىلىق ءبىلدىرىلىپ، ءتيىستى شاعىم جىبەرىلدى.
World Athletics ۇيىمىنىڭ رۇقسات ەتىلگەن اياق كيىمدەر تىزىمىندە ASICS برەندى كورسەتىلگەن. الايدا ياسمينا جارىستا پايدالانعان اياق كيىمنىڭ ناقتى مودەلى اتالعان تىزىمدە بولماعان. سونىمەن قاتار جارىس باستالعانعا دەيىن سپورتشىنىڭ اياق كيىمى تەكسەرىلىپ، جارىسقا قاتىسۋىنا رۇقسات بەرىلگەن. وسىعان بايلانىستى فەدەراتسيا ياسمينانىڭ قۇقىقتارى مەن مۇددەسىن قورعاۋ جۇمىسىن ءارى قاراي جالعاستىرادى.
سونىمەن بىرگە فەدەراتسيا ءوز جاۋاپكەرشىلىگىن دە جوققا شىعارمايدى. سپورتشىنىڭ ساپالى دايىندىعى مەن جارىستاعى ناتيجەسىنەن بولەك، بەلگىلەنگەن رەگلامەنتتەر مەن تەحنيكالىق تالاپتاردى ساقتاۋ، سونداي-اق حالىقارالىق سپورت ۇيىمدارىندا سپورتشىلاردىڭ مۇددەسىن ءتيىمدى قورعاۋ دا ماڭىزدى.