جۇيكە-جۇيەسى بۇزىلعان ناۋقاستاردى ەڭبەكپەن ەمدەۋ تەراپياسى ءۇشىن كۇركەتاۋىق وسىرىلەدى

  اتىراۋ. KAZINFORM - اتىراۋ وبلىسىندا جۇيكەسى بۇزىلعان ناۋقاستارعا ارنالعان ەڭبەك تەراپياسى ءۇشىن كۇركەتاۋىق ءوسىرۋ قولعا الىنادى.

ماحامبەت اۋدانىنداعى № 1 ارناۋلى الەۋمەتتىك قىزمەتتەر كورسەتۋ ورتالىعىنىڭ ديرەكتورى گۇلنار زينەدەنوۆانىڭ مالىمەتىنشە، 1942 -جىلى اشىلعان پسيحونيەۆرولوگيالىق سىرقاتقا شالدىققان 309 ناۋقاس ەمدەلەدى. ونىڭ ىشىندە 152 ەر، 157 ايەل ادام بار. ەمدەلۋشىلەردىڭ 33 ىنە I توپ، 276 سىنا Ⅱتوپ مۇگەدەكتىگى بەرىلگەن.

«كۇركەتاۋىق پسيحونيەۆرولوگيالىق اۋىتقۋى بار ازاماتتاردى ەڭبەكپەن ەمدەۋ تەراپياسى ءۇشىن قوسالقى شارۋاشىلىقتا وسىرىلەدى. بىلتىر قوسالقى شارۋاشىلىقتا ەشكى، تاۋىق جانە قويان ءوسىرۋ ءۇشىن قوراجاي سالىندى. قازىر قوسالقى شارۋاشىلىقتا 10 ەشكى، 3 لاق، 33 قويان، 9 تاۋىق وسىرىلەدى»، - دەيدى گۇلنار زينەدەنوۆا.

ونىڭ ايتۋىنشا، ورتالىقتا پاندۋس، زاعيپ جاندار ءۇشىن تاكتيلدى جولاق، اقپاراتتىق منەموسحەما، برايل قارپىمەن جازىلعان تاقتايشالار ورناتىلعان.

«ورتالىقتا قاۋىپسىزدىك ماقساتىندا 93 بەينەباقىلاۋ كامەراسى جۇمىس ىستەپ تۇر. ونىڭ 45 ءى سىرتقى اۋلاعا، 48 ءى بولىمشەلەرگە ورناتىلدى. بەينەباقىلاۋ كامەراسىنا تالشىقتى جەلى ورناتىلىپ، پوليتسيا قىزمەتىنە قوسىلدى»، - دەپ ءمالىم ەتتى گۇلنار زينەدەنوۆا.

اۆتور

جولداسبەك شوپەعۇل