استانا. KAZINFORM - جاپونيانىڭ ايچي پرەفەكتۋراسى مەن ناگويا قالاسىندا ءوتىپ جاتقان جازعى ازيا ويىندارىندا دجيۋ-دجيتسۋدان العاشقى جۇلدە جيىنتىقتارى ساراپقا سالىنىپ جاتىر، دەپ حابارلايدى ق ر تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ باسپا ءسوز قىزمەتى.
ايەلدەر اراسىندا 48 كەلىدەگى جىبەك قۇلىمبەتوۆا 3-ورىن ءۇشىن وتكەن بەلدەسۋدە وڭتۇستىك كورەيا سپورتشىسى حۋيۆون جانگپەن كەزدەسىپ، 2:2 ەسەبىمەن تەڭ ءتۇستى. ءبىراق شابۋىلداعى بەلسەندى ارەكەتى ءۇشىن جەڭىس وتانداسىمىزعا بەرىلدى.
وسىعان دەيىن جىبەك قۇلىمبەتوۆانىڭ ازيادانىڭ قولا جۇلدەسىنە تالاساتىنى تۋرالى جازدىق.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.