جىبەك جولى اۋىلىن سۋ باسىپ جاتىر
قونايەۆ. KAZINFORM - الماتى وبلىسى جىبەك جولى اۋىلىندا كوشەلەردى سۋ باسىپ جاتقان ۆيدەو الەۋمەتتىك جەلىدە جاريالاندى.
ۆيدەوداعى جازبادا جىبەك جولى اۋىلىنداعى تەگىستىك، كوكقاينار، اقجازىق كوشەلەرىن سۋ باسىپ جاتىر.
الماتى وبلىسىنىڭ اكىمدىگى جىبەك جولى اۋىلى، قاراسۋ، اقدالا، اقسۋ، اق جازىق، كوكقاينار، بوگەنباي باتىر، بالاساز، جيدەلى كوشەلەرىندە جەر استىنان شىققان سۋلاردىڭ جينالىپ جاتقانىن حابارلادى.
«قازىرگى تاڭدا اكىمدىك تاراپىنان ارىق جەلىلەرىن قازۋ جانە ارنايى تەحنيكالارمەن سۋدى سورعىزۋ جۇمىستارى جۇرگىزىلۋدە. بۇگىنگە دەيىن ءتورت شاقىرىمنان اسا ارىق جەلىلەرى قازىلدى. قازىرگى تاڭدا اتالعان ايماقتا جاعداي قالىپتى جانە تۇراقتى باقىلاۋ جۇرگىزىلىپ جاتىر»، - دەپ حابارلادى الماتى وبلىسى اكىمدىگىنىڭ باسپا ءسوز قىزمەتى.
ەسكە سالايىق، الماتى وبلىسىندا «ۆوروشيلوۆ» سۋ قويماسىنىڭ بوگەتى بۇزىلعان ەدى.
سالدارىنان 28 ادام ەۆاكۋاتسيالانعان ەدى.