بۇل تۋرالى باس پروكۋراتۋرا ەسكەرتۋ جاسادى. الاياقتار ءوزىن «قازپوشتا» وكىلىمىن دەپ تانىستىرىپ، ازاماتتارعا شەتەلدىك نومىرلەردەن حابارلاما جىبەرەدى. ماسەلەن، بيىلعى 9-قاراشادان باستاپ 212 كودى بار نومىرلەردەن «سالەمدەمەڭىز كەلدى» دەگەن حابارلار جيىلەپ كەتكەن. قاسكۇنەمدەر مەكەنجايدى ناقتىلاۋ ءۇشىن حابارلاماداعى سىلتەمەگە ءوتىپ، جەكە مالىمەتتەردى تولتىرۋدى سۇرايدى. ەڭ باستىسى، حابارلامانىڭ قازاق تىلىندە، ءارى وتە ساۋاتتى جازىلۋى ادامداردىڭ سەنىمىن وياتىپ، قىراعىلىعىن السىرەتىپ وتىر. الايدا بۇل - اقشا مەن قۇپيا دەرەكتەردى ۇرلاۋعا ارنالعان فيشينگتىك سايت. ول سىرتىنان «قازپوشتانىڭ» رەسمي پاراقشاسىنا وتە ۇقساس ەتىپ جاسالعان. قۇقىق قورعاۋ ورگاندارى ازاماتتارعا بەيتانىس سىلتەمەلەرگە باسپاۋدى، جەكە مالىمەتتەردى ەشقاشان ەنگىزبەۋدى جانە كەز كەلگەن اقپاراتتى تەك پوشتانىڭ رەسمي ارنالارى ارقىلى عانا تەكسەرۋدى قاتاڭ ەسكەرتەدى.
14:41, 12 قاراشا 2026
جوق سالەمەدەمە: الاياقتىقتىڭ جاڭا سحەماسى
استانا.قازاقپارات - «قازپوشتا» اتىنان كەلگەن حابارلامالارعا ساق بولىڭىزدار: الاياقتاردىڭ جاڭا ءادىسى شىقتى.